Kardiologu me mesazh: Zhdukeni justifikimin: “Kemi gjyshër që jetuan 100 vjet dhe nuk u ndodhi asgjë

Mjeku kardiolog nga Zvicra dr. Florim Cuculli thotë që duhani është një nga problemet më të mëdha të shoqërisë sonë në Ballkan. Ai thotë që pacientët më të rinj me sulm në zemër që trajtohen edhe në Zvicër vijnë nga Ballkani, shkruan Alsat.

“Jam i sigurt që gjenetika luan një rol, por pirja e duhanit është shumë e qartë dhe për këtë arsye ka fushata në të gjithë botën për të ndaluar pirjen e duhanit dhe ne nuk jemi më të zgjuar, po vdesim më herët, vetëm në rrethin tim në Kërçovë për shembull dëgjova për një vdekje të hershme vitin e kaluar dhe këtë vit. Një vdekje e hershme është gjithashtu vdekja e një burri 60-vjeçar që vdiq nga një atak në zemër. Ai nuk është i vjetër, ai ende ka shumë vite për të jetuar, ata vdesin… “

Mjeku apelon që duhet dëgjuar mjekët specialist të cilët theksojnë që rreziqet e pirjes së duhanit janë të vërtetuara dhe nuk ka vend për diskutim. Dhe assesi nuk duhet dëgjuar “shkenctarët e facebookut” me justifikimet që edhe gjyshërit tonë jetuan deri në 100 vjeç dhe asgjë nuk u ndodhi atyre pavarsisht pirjes së duhanit.

“Gjëja e dytë që më tërheq vëmendjen është pacienti zviceran i cili vjen dhe më thotë se është 83 vjeç. Ai thotë: “Po, doktor, unë eci 10 kilometra çdo ditë. Cili 70-vjeçar në Maqedoni ecën 10 kilometra në ditë?” Askush, ne e konsiderojmë pensionin si një kohë për pushim. Kjo është arsyeja pse. Duke i motivuar njerëzit të ecin më shumë, të lëvizin më shumë, ne në fakt i ndihmojmë ata të jetojnë më gjatë dhe më mirë.”

Ai thekson që mos lëvizja, pasiviteti i pensionistëve çon në probleme të tjera si obeziteti, diabeti, tensioni i gjakut. I gjithë shëndeti fillon të përkeqësohet shumë pa arsye vetëm pse njerëzit refuzojnë të ecin. Ai thotë që një shëtitje e thjeshtë do të ishte edhe argëtuese edhe e mirë për shëndetin.

/ Alsat.mk