URIME: Haxhi Baba feson 70 vjetorin e ditëlindjes

“Nga Kërçova për gjithë Kombin – 70 vite jetë, një jetë e tërë për lirinë”
Isha tej mase i nderuar me ftesën për të qenë pjesë e festimit të 70-vjetorit të Musa Demirit, i njohur si “Haxhi Baba” – një emër që mbolli lirinë dhe i dha zemër UÇK-së!

Është e pamundur që në pak rreshta të përmblidhet kontributi i tij madhor për kauzën kombëtare. Vepra është ajo që flet më fort se çdo fjalë dhe njerëzit me vlera të larta si ai janë shembuj që ndriçojnë rrugën tonë, duke mbetur model frymëzimi për brezat e rinj.

Sot, në këtë përvjetor, ishin të pranishëm personalitete të larta që folën me respekt e mirënjohje për veprën e tij. Më bën të ndihem veçanërisht krenar fakti që jam bashkëvendas i tij – një figurë që i ka dhënë emër e vlerë gjithë Kërçovës.

Po ashtu, ishte nder i madh për mua të kem mik edhe djalin e Haxhi Babës, z. Rexhep Demiri, i cili pas kontributit të tij në uniformë, vazhdon me përkushtim t’i shërbejë kauzës kombëtare nëpërmjet detyrës së tij si diplomat – Ambasador i Maqedonisë së Veriut në Zvicër.

Nga zemra i uroj shumë shëndet, mirësi dhe vite të tjera të begata.
Emrat e mëdhenj nuk plaken – ata mbeten të gjallë në kujtesën dhe frymëzimin e kombit.
Shkruan Florim Useini