Tragjedi në Slloveni, raportohet për së paku 5 viktima nga një aksident në autostradë !?

Pesë persona kanë humbur jetën dhe një tjetër është plagosur si pasojë e një aksidenti të rëndë që ndodhi në autostradën Maribor–Lubjanë në Slloveni.

Sipas mediave të huaja, një furgon që transportonte shtetas të huaj është përplasur me një kamion të ndaluar në kolonë, duke shkaktuar tragjedinë.

Aksidenti ndodhi pak para orës 10:30, pranë daljes për Slovenske Konjice.
Si pasojë e ngjarjes, autostrada është mbyllur plotësisht në drejtim të Lubjanës, ndërsa në drejtim të Mariborit janë krijuar kolona të gjata trafiku.

Policia sllovene njoftoi se më shumë detaje do të bëhen publike gjatë një konference për shtyp në orët e pasdites.
Hetimet për shkaqet e aksidentit janë ende në vijim.

/tv21