Koha kalon Fronti Europian ende pa kandidat në Kërçovë !

BDI shpall kandidaturat për kryetarë dhe bartës listash në disa komuna – Kërçova sërish pa emër

Në mbledhjen e mbajtur në Reçicë të Vogël, Bashkimi Demokratik për Integrim ka zyrtarizuar disa prej kandidatëve për zgjedhjet lokale të këtij viti.

Nënkryetari i BDI-së, Arbër Ademi, njoftoi se për komunën e Çairit do të propozohet Bujar Osmani, për Tetovën Bajram Rexhepi, ndërsa për Zhelinën Emir Sulejmani.
Të gjithë janë miratuar njëzëri nga struktura partiake.

Po ashtu, u zyrtarizuan edhe dy bartës listash: Valdet Xhaferi në Gostivar dhe Faton Pollozhani në Strugë.

Megjithatë, Kërçova – një nga bastionet tradicionale të BDI-së – mbeti sërish jashtë vëmendjes, duke shkaktuar reagime dhe pasiguri në opinionin lokal. Si emra të përfolur për këtë komunë përmenden Fatmir Dehari, Kreshnik Bekteshi dhe Ardita Dani.

Nuk përjashtohet as mundësia e një kandidati të përbashkët shqiptar, përballë frontit të bashkuar maqedonas.

/tvgurra