Çmendet korona në maqedoni ! 62 raste të reja, 17 të shëruar dhe dy të vdekur
Gjashtëdhjetë e dy raste të reja janë konfirmuar me koronavirus në vend, nga 771 testet e realizuara për 24 orët e fundit. Numri i përgjithshëm i të infektuarve në vend shkon në 2226. Shkupi kryeson me numrin e të infektuarve, janë shtuar edhe 24 raste të reja. Ndërsa sipas komunave më shumë të infektuar janë regjistruar në në Çair.
Më tej Shtipi regjistron 14 raste si dhe Tetova 12 të infektuar të rinj. Kumanova shënon 2 raste, Struga 4, Gostivari 3 dhe nga 1 Velesi, Koçani dhe Vallandova.
Ministria e Shëndetësisë
“Sot në Shkup janë regjistruar 24 raste të reja me Covid-19. Sipas komunave: 11 raste janë regjistruar në Çair, 6 në Butel, 2 në Saraj, 2 në Aerodrom, 2 në Karposh dhe 1 në Gazibabë”.
Instituti për Shëndet Publik regjistron 17 pacientë të shëruar. Prej tyre 5 nga Shkupi, 9 nga Tetova, nga 1 në Kumanovë, Manastir dhe Gostivar. Sipas të dhënave të përgjithshme numri i të shëruarëve ka arritur në 1552.
Janë shtuar edhe 2 viktima si pasojë koronavirusit, duke e çuar numrin total të viktimave në 133.
Ministria e Shëndetësisë
“Në spitalin “8 shtatori” ka ndërruar jetë një 60 vjeçar nga Struga, i pranuar në spital më 22 maj. Është evidentuar një pacient nga Gostivari, 64 vjeçar, i pranuar dhe i vdekur në spitalin e Gostivarit më 29 maj, të cilit testi i ka rezultuar pozitiv”.
Nga numri i përgjithshëm i testeve të bëra në 24 orët e fundit 221 janë bërë në kuadër të skriningut nëpër kopshte. Testet janë bërë përmes Qendrave për Shëndet Publik në Tetovë, Manastir, Prilep dhe Shkup, ndërsa nuk ka rast të konfirmuar pozitiv. Deri tani në kuadër të skriningut janë bërë 3723 teste, ndërsa 6 kanë rezultuar pozitiv me Covid-19.
Në Klinikën për Sëmundje Infektive nga 44 pacientët e hospitalizuar 19 janë me ndihmës oksigjeni dhe 1 është në ventilim mekanik. Ndërsa në spitalin “8 Shtatori”, nga 35 pacientët e hospitalizuar 6 janë në aparat respirator dhe 10 të tjerë me pasqyrë më të rëndë klinike.
Deri tani në vend janë bërë 29 575 teste për koronavirus. Ndërkaq raste aktive me Covid-19 janë 541.
Emine Ismaili
/SHENJA/
