Garda Revolucionare’ e Iranit kërcënon SHBA-në! Do të pendoheni për këtë që bëtë..!?

Garda Revolucionare e Iranit ka kërcënuar SHBA-në me ‘hakmarrje që do t’i bëjë të pendohen’ pas sulmeve ajrore amerikane ndaj tre objekteve të mëdha bërthamore në territorin iranian, duke paralajmëruar gjithashtu për goditje të mundshme ndaj bazave ushtarake amerikane në rajon.

Në një deklaratë të transmetuar nga televizioni shtetëror iranian, Garda tha se “Irani do të përdorë opsione përtej asaj që mund të përfytyrojë kampi agresor. Agresorët ndaj kësaj toke duhet të presin një hakmarrje që do t’i bëjë të pendohen.”

Gazeta The Guardian raportoi se forcat amerikane, duke sulmuar objektet bërthamore iraniane, të cilat Irani i cilëson si paqësore, “de facto e kanë vendosur veten në rrezik të menjëhershëm.”

Aktualisht, SHBA ka një prani të konsiderueshme ushtarake në rajonin e Gjirit Persik, përfshirë baza në Bahrein, Katar dhe vende të tjera.

Disa prej këtyre bazave ndodhen në afërsi të territorit iranian, gjë që mund t’i bëjë ato objektiva të drejtpërdrejta të një hakmarrjeje nga Teherani. Rreth 40,000 trupa amerikane janë aktualisht të dislokuara në rajon.

Garda Revolucionare deklaroi gjithashtu se do të vazhdojë operacionet e saj ushtarake kundër Izraelit, pa dhënë më shumë detaje. Syri.net-Protothema

/syri.net