Humbja e besimit të Ndërsjellt! A i referohet me këtë shkrim Fatmir Limani Arben Taravarit..!?

Besimi është një ndjenjë e thellë, një lloj bindjeje shpirtërore që ndërtohet me kohë dhe përmes përvojave të ndërsjella. Besimi lind dhe fortësohet në rastet kur fjala e dhënë respektohet pa mëdyshje, në mënyrë të ndershme dhe të qëndrueshme nga të dy palët.

Kur dikujt i beson, krijohet një ndjenjë sigurie e thellë, një qetësi e brendshme që të bën të ndihesh i mbrojtur, i kuptuar dhe i vlerësuar. Në një marrëdhënie ku mbizotëron besimi, komunikimi është i lirshëm dhe deri në masën e mospatjes frikë nga gjykimet dhe tradhëtia.

Besimi gjithashtu është një nga ndjenjat më të lehta për t’u thyer, për të cilën mjafton vetëm një mashtrim, një fjalë e pambajtur, apo një veprim i pamenduar për ta rrënuar atë përfundimisht. Dhe kur ai humbet, hapet një boshllëk i thellë që nuk rimbushet thuajse asnjëherë.

Në rastet që besimi jepet verbërisht, me një ndjenjë idealizmi shpesh mund të jetë edhe shkatërrimtari më i fuqishëm i ndjenjave dhe raporteve njerëzore. Fjala e humbur nuk rikthehet dhe ndjenja e sigurisë zëvendësohet nga dyshimi dhe frika.

Prandaj, besimi duhet të jepet me urtësi dhe të ruhet me përkushtim. Është një dhuratë e çmuar që, njëherë e humbur, rrallëherë fitohet sërish në të njëjtën formë.
Shkruan ministri Fatmir Limani në facebook.

/ms