Ministri Fatmir Limani: Sot bota e shënon 2 Prillin – Ditën Botërore të Ndërgjegjësimit për Autizmin

Kjo ditë ka për qëllim të rrisë ndërgjegjësimin për personat me autizëm, që ata janë pjesë e shoqërisë sonë dhe ne si institucione dhe qytetarë jemi të detyruar të krijojmë mundësi dhe kushte për përfshirjen e tyre më të madhe në shoqëri.

Çdo individ me autizëm është unik dhe të gjithë ata, së bashku me familjet e tyre, meritojnë të kuptohen, pranohen dhe mbështeten.
Sot në Ministri pata një takim me përfaqësues të shoqatave “Ceduz”, “Në Botën Time” dhe “Kryqi i Kuq” – ofrues të shërbimeve sociale për personat me autizëm, shfrytëzues të shërbimeve dhe disa prindër.

Me qëllim të sigurimit të shërbimeve individuale cilësore dhe profesionale, ministria vazhdon të zgjerojë rrjetin e ofruesve të shërbimeve sociale dhe do të vazhdojë ta bëjë këtë edhe në të ardhmen. Kujdesi për kategoritë e cenueshme nuk është vetëm një ditë, por çdo ditë të vitit!

/ms