Tragjedia në Koçan! 89 të lënduar po mjekohen në Maqedoni, 76 jashtë shtetit..!?

89 të lënduar nga zjarri në diskotekën “Puls” në Koçan po trajtohen në spitalet e Maqedonisë së Veriut, njoftoi sot zëvendësministri i Shëndetësisë, Jovica Andovski.
Ndërsa sipas tij, 76 pacientë po mjekohen jashtë shtetit.

“Të fundit janë transportuar mbrëmë në Kroaci 2, në Athinë 3, në Vjenë 2 pacientë dhe në Slloveni 2 pacientë”, tha Andovski, i cili shtoi se po shqyrtohet mundësia që të dërgojnë pacientë të tjerë në Vjenë, në Poloni, Suedi, Holandë, Itali, Kroaci, Norvegji dhe Slloveni.

Pacientët që po trajtohen në vend janë shpërndarë nëpër institucionet shëndetësore, përkatësisht në Qendrën Klinike në Shkup – 52 pacientë, në Spitalin e Përgjithshëm “8 Shtatori” – 17 pacientë, në Klinikën Universitare “Shën Naum Ohri” – 12 pacientë, në Klinikën e Toksikologjisë – 10 pacientë, Axhibadem Sistina – 7 pacientë.

/(INA)