Çfarë më duhet jeta pa djalin, e kam pasur fëmijë të vetëm! Prindi i thyer nga dhimbja..

Çfarë më duhet jeta pa djalin, e kam pasur fëmijë të vetëm. Kjo fjali e prindërit të një 21-vjeçari që humbi jeton në Koçan tingëllon e tmerrshme, është paralajmëruese për të gjithë jo vetëm në Maqedoninë e Veriut.

Në “diskotekën” Pulse humbën jetën deri tani 59 persona. Rreth 150 janë të lënduar, rreth 20 prej tyre rëndë. Humbën jetën të rinj që akoma nuk kishin filluar jetën si duhet.

Ndërsa lokali, siç thotë prokurori i shtetit në RMV, nuk ka pasur hidrantë e as aparate të mjaftueshme kundër zjarrit, nuk ka pasur dyer të mjaftueshme, çatia nuk ishte rezistente ndaj zjarrit, objekti nuk ka pasur leje për hoteleri, materialet piroteknike janë përdorur në mënyrë të paligjshme pa leje përkatëse…

Me një fjalë, dyshohet se objekti nuk ka pasur lejet përkatëse për këtë veprimtari, e ka zëra se është dhënë e marrë ryshfet, por këtë duhet ta dëshmojë hetuesia.
Kjo ngjarje tepër e rëndë si dhe arrestimi e denimi i atyre që mbajnë përgjegjësi për këtë mjerim, për këtë tmerr, nuk i rikthejnë ata që humbën jetën, nuk është kurfarë prerje për familjarët e tyre, por janë një paralajmërim serioz për të gjithë, jo vetëm në MV por edhe në Kosovë e Shqipëri që të rishikojnë standardet dhe lejet për aktivitete të ngjashme.

Kjo është definitivisht një prej ngjarjeve më të rënda të muajve të fundit në rajon, një prej lajmeve tmerruese dhe njëkohësisht paralajmëruese.
Ngushëllime familjarëve dhe miqve, shërim të shpejtë të gjithë atyre që janë lënduar. Megjithëse plagët fizike ndoshta edhe shërohen por ato shpirtërore janë edhe më të thella – për të gjithë ata që kanë parë e përjetuar këtë tmerr si dhe për njerëzit si ky zotëriu që humbi fëmijën e vetëm.

/ms