VLEN: Ish-kuadri i Gruevskit, Ratko Kapushevski ka zhvilluar “ortakllëk” me djalin e Ismail Jahoskit..!?
Nga koalicioni VLEN kanë komentuar aksionin e fundit të Policisë dhe Prokurorisë, në lidhje me furnizimin me mazut të dyshimtë. Nga VLEN thonë se djali i deputetit të BDI-së, Ismail Jahoski, Asmir Jahoski i “Pucko Petrol” ka bashkëpunuar me Ratko Kapushevskin në biznesin e derivateve.
“Të gjitha rrugët e kësaj udhëheqësie të BDI-së çojnë tek Gruevski dhe Shasho Mijallkov. Ratko Kapushevski, ish-kuadër i Gruevskit për drejtor të Qendrës Sportive “Boris Trajkovski”, si lojtar i Samsonenkos dhe Mijallkovit, bëhet lojtar në biznesin e naftës dhe zhvillon ortakllëk me djalin e Ismail Jahoskit, alias Pucko Petrol, njeriun më të besuar të Ali Ahmetit.
Me aksionin e MPB-së, ky kartel regjimi jozyrtarisht dyshohet se ka shpërlarë 10 miliardë denarë përmes kontratave fiktive, lënda e të cilave është e dëmshme për ajrin dhe mazutin toksik. Por kjo nuk është vetëm një krim!
Kjo është gjithashtu një gënjeshtër, një manipulim për të fshehur të vërtetën. “Deshqiptarizimi” i supozuar, me të cilin BDI manipulon, është vetëm perde për frikën e tyre nga përgjegjësia gjyqësore!”, thonë nga VLEN.
/tv21
