Kardiologia: Agjërimi ndihmon shëndetin e zemrës..!?

Kryetarja e Departamentit të Kardiologjisë në Spitalin “Farabi” të Universitetit Teknik Karadeniz (KTU) prof. dr. Merih Kutlu tha se agjërimi ka shumë përfitime për shëndetin e zemrës.

Kutlu në deklaratën për Anadolu, duke theksuar se agjërimi është i dobishëm për shëndetin e zemrës, tha: “Studimet kanë treguar se kolesteroli i keq (LDL) zvogëlohet dhe kolesteroli i mirë (HDL) rritet gjatë Ramazanit dhe disa muaj në vijim. Agjërimi përmirëson inflamacionin dhe ka efekte pozitive në ndjeshmërinë ndaj insulinës”.

Duke folur për përfitimet psikologjike të agjërimit, ajo tha: “Agjëruesi qëndron larg mendimeve, ndjenjave dhe sjelljeve negative. Nga ana shpirtërore, ai pastron dhe relakson shpirtin. Të gjitha këto ulin rrezikun e sëmundjeve të zemrës, veçanërisht prirjen ndaj depresionit”.

Ndërkaq ajo paralajmëroi se agjërimi nuk është i sigurt për pacientët me insuficiencë të avancuar të zemrës dhe ata që kanë pësuar sulm në zemër, kanë kaluar nga operacion ‘bypass’ ose vendosje stenti në 1-2 muajt e fundit.
“Ata, tek të cilët presioni i gjakut është nën kontroll me ilaçe mund të agjërojnë”, tha Kutlu.

Kutlu tërhoqi vëmendjen se në iftar nuk duhet ngrënë shumë ushqim. “Kur një person ha shumë, ata vendosin më shumë ngarkesë në zemër, që do të thotë se ndodhin rrahje të shpejta. Zemra rreh më shpejt dhe presioni i gjakut rritet. Të gjitha këto janë të dëmshme për personat me sëmundje të zemrës, sepse qarkullimi i gjakut në zemër është i dëmtuar. Studimet kanë treguar se shumica e rasteve të sulmit në zemër gjatë Ramazanit ndodhin pas iftarit”, u shpreh ajo duke shtuar:

“Është e rëndësishme që personat me sëmundje të zemrës të mos hanë shumë dhe menjëherë. Ata në fakt mund ta ndajnë kohën ndërmjet iftarit dhe syfyrit në tre. Të hanë diçka të lehtë në iftar dhe më pas përsëri 2-3 orë më vonë, dhe në fund përsëri në syfyr. Në fakt, kjo vlen për të gjithë ne”.

/shenja