Oda Kërçovare në Zvicër, vatër e bashkimit edhe për 17 vjetorin e pavarësisë së Kosovës

Gjithandej botës ku ka mërgimtarë, prej kësaj të shtune, siç dihet, me datë 15 shkurt, veçse kanë filluar manifestimet e shumta për të kremtuar 17 vjetorin e pavarësisë së Kosovës. Edhe mbrëmë në Lauetstrasse, 37, Otelfingen të Zvicrës, ishte paksa më e veçantë kremta e 17 vjetorit të pavarësisë së Kosovës.

Një festë, që do të mbahet gjatë në kujtesë. Është oda e vetme shqiptare në Zvicër me emrin e veçant „Oda e kërçovare“, por ajo është vatër e bashkimit, sado që është modeste.

Të përshkruash odën kërçovare është e pamundur me fjalë, sepse sapo të ulesh në ate sofër me plot bereqet të kthen prapa në kujtesë, nëpër odat tona, ku kishte rend fjala, ku kishte peshë fjala, ku kishte shpirti plotësim dhe kur dihet, se kush është kryefamiljari e kështu, ku bëheshin vendime të mëdha për kombin e kështu me radhë. Vatër e bashkimit, sepse kërçovarët e kanë dëshmuar disa herë, se kur janë bashkë nuk ka gjë që ti munde. Edhe kësaj radhe, ishin mysafirë nga të gjitha trevat shqiptare, diplomatë, atdhetarë, krijues, afarist.

Ata janë bashkë e respektojnë njëri tjetrin dhe nga Kërçova me rrethinë kemi shumë atdhetarë që nëpër periudha të ndryshme të kombit kanë kontribuar. Se kush ishin mysafirët e kësaj ode tipike kërçovare, kush kishte ardhur nga Kërçova, pse e zgjodhën këtë odë për të festuar, çka u bisedua, kush këndoi, çka ka në këtë odë, pse quhet odë, kush ka qenë në këtë odë më herët, kur është themeluar, sa media morën pjesë, çka tha njëri nga luftëtarët e UÇK-së.

Kush e pa veten në foto me uniformën e çlirimtarit e shumë gjëra të tjera edhe ate shumë interesante do të mësoni pas pak përmes një fotoreportazhi nga bashkëpunëtori i platformës mediale helveticALforum.ch, që ishte mysafirë i odës kërçovare. Kjo festë e dëshmoi, se festa e 17 shkurtit nuk është vetëm për vëllezërit nga Kosova, por për të gjithë shqiptarët e të gjitha trevave shqiptare, sepse për këtë Kosovë, kanë kontribuar të gjithë shqiptarët dhe e duan ta shohin sa më mirë.

/helveticALforum