Mungesa e fuqisë punëtore, shumë indianë zgjedhin të punojnë në Shqipëri..! (VIDEO)
Mungesa e fuqisë punëtore dhe krijimi i agjencive për rekrutimin e shtetasve të huaj në tregun shqiptar të punës i ka dhënë zgjidhje shumë kompanive në Shqipëri për të plotësuar vakancat e punonjësve.
Janë disa sektorë, si shërbimet në turizëm, prodhim dhe ndërtim, që po mbështeten tek krahu i punës i huaj. Ndërtimi po rrit numrin e të huajve, kryesisht indianë, të cilët punojnë e jetojnë në Shqipëri.
Aktualisht, kompani private që punojnë në disa objekte publike në Vlorë, kanë punësuar jo vetëm punëtorët e krahut, por deri inxhinierë nga India.
“Prej dy vitesh punoj si inxhinier në projekte publike. Kam dy vite që jetoj këtu. Ndihem mirë. Puna nuk është e lodhshme, shkon mirë. Stafet janë mbështetëse, njerëzit të mirë. Kjo nuk është hera e parë që punoj larg vendit tim. Si inxhinier udhëtoj shpesh.
Kjo nuk është vetëm punë. Është eksperiencë. Shijoj çdo ditë qëndrimi. Tek ky kantier jemi 10 shtetas nga India, por kemi grupe të tjerë në Pogradec. Do qëndrojmë këtu deri në fund të punimeve, pastaj do jemi në projekte të tjera po në Shqipëri. Na pëlqen shumë këtu, njerëzit… Më pëlqen edhe ushqimi tradicional, byreku, për shembull,” shprehet inxhinieri Anucu Padia.
Edhe hoteleria e turizmi po gjejnë zgjidhje tek shtetasit e huaj, ardhur nga Mianmar, India, Filipinet etj. ndërsa po ashtu po rritet edhe numri i agjencive që rekrutojnë punonjës nga jashtë kufijve.
VIDEO:
/tv21
