Taravari: Disa analistë paguhen për ta sharë VLEN-in dhe Kurtin..!

“Një analist më tha, më paguani edhe ju do të flas edhe për ju”. Dëshminë e ka bërë kryetari i ASH-së, Arben Taravari.
Taravari, tha se analistët e njejtë në Kosovë e Maqedoni, paguhen për të sulmuar kryeministrin e Kosovës Albin Kurtin dhe koalicionin VLEN.

“Këta s’e bëjnë pa pare. Njëri prej analistëve më ka thënë direkt, mos ma merr për të madhe sepse unë për këtë paguhem, edhe atë shumë. Paguani edhe ju, unë do të flas për ju.

Thash s’kemi mundësi dhe nevojë për të të paguar. Dëshmi s’kam, por koha çdo gjë nxjerr në sipërfaqe. Deshëm apo s’deshëm s’kemi ku ikim. Unë e shoh se kundërshtarët e Albinit në rajon, dihet qartë kush janë, makineria propagandues, gazetarë të caktuar dhe analistë të caktuar.

Në Maqedoni i shihni njerëzit, s’dua të përmendi emra, s’dua të merrem me ata. Unë me disa prej tyre jam ulur dhe i kam pyetur, ku është kjo urrejtje patologjike se kjo nuk është kritikë. A aq janë të obsesionuar me VLEN-in”, tha Taravari në emisionin “Dialog te Lajmi”.

/ts