Ky është i riu shqiptarë që u vra mbrëmë ! Djali i ish-zyrtarit të BDI-së , Ngushllime familjes

Miq, shokë dhe familjarë kanë shprehur ngushëllimet e tyre për vdekjen tragjike mbrëmë të 32-vjeçarit Hebib Bunjaku. I ndjeri është djali i ish-zyrtarit të BDI-së, Ekrem Bunjaku, ndërsa ngushëllime ka ardhur edhe nga Klubi i Futsalit “Shkupi”, pjesë e së cilës ka qenë edhe Hebibi.

“Me zemër të thyer dhe dhimbje të thellë morëm lajmin për ndarjen nga jeta të ish-lojtarit, shokut tonë Hebib Bunjaku. Një njeri i jashtëzakonshëm, i cili la pas kujtime të paharrueshme për gjithë që e njohën. Ngushëllimet tona më të sinqerta familjes, miqve dhe gjithë atyre që patën fatin ta njohin. Allahu të mëshiroftë!”

Varrimi i të ndjerit do të bëhet sot, pas namazit të ikindisë në xhaminë e Jahja Pashës, ndërsa varrimi në varrezat e fshatit Bllacë.
Ndryshe, policia thotë se një mosmarrëveshje në trafik ka qenë shkaku për një debat mes dy grupeve që ka rezultuar me të shtëna që kanë ndodhur mbrëmë në një parking në Çair, në afërsi të marketit Viva Fresh.

“Më datë 11.02.2025 në ora 00.06 në SPB-Shkup, nga Spitali i Përgjithshëm i Qytetit ” Shën Naumi i Ohrit” është raportuar se me plagë nga arma e zjarrit janë sjellë H.B. (35) dhe A.D.(35), të dy nga Shkupi, dhe se H.B. më pas ka vdekur., ndërsa te A.D. është bërë një ndërhyrje dhe është mbajtur për mjekim.

Për shkak të plagëve me armë zjarri në Kompleksin Klinikë “Nënë Tereza” është transferuar edhe N.D. nga Shkupi. Me urdhër të prokurorit publik, trupi i pajetë i të ndjerit është dorëzuar për obduksion”, thonë nga MPB.

/koha.mk