Tump: Do ta zhdukim Iranin nga faqja e dheut nëse..!?
Presidenti Donald Trump tha të martën se u ka dhënë udhëzime këshilltarëve të tij për të zhdukur Iranin nga “faqja e dheut” në rast se ai do të eliminohej me urdhër të Teheranit.
“Nëse ata do ta bënin këtë, ata do të asgjësoheshin,” tha Trump në një shkëmbim me gazetarët, ndërsa nënshkroi një urdhër ekzekutiv, që e shtyn qeverinë amerikane ta vendosë Teheranin nën presion maksimal.
“U kam lënë udhëzime se nëse e bëjnë këtë, ata do të fshihen, nuk do të mbetet asgjë.”
Autoritetet federale kanë ndjekur për vite me radhë kërcënimet iraniane kundër Trump dhe zyrtarëve të tjerë të administratës. Trump urdhëroi vrasjen në vitin 2020 të Qassem Soleimani, i cili udhëhoqi Forcat Quds të Gardës Revolucionare Islamike të Iranit.
Një kërcënim për jetën e Trump nga Irani shtoi sigurinë për të në ditët para një tubimi gjatë fushatës në muajin korrik në Pensilvani, ku Trump u qëllua në vesh. Zyrtarët atëkohë thanë se nuk besonin se Irani ishte i lidhur me tentativën për vrasje.
Departamenti i Drejtësisë njoftoi në nëntor prishjen e një komploti iranian për të vrarë Trump para zgjedhjeve presidenciale.
Departamenti pretendoi se në muajin shtator, zyrtarët iranianë kishin udhëzuar 51-vjeçarin Farhad Shakerin që të mbante nën vëzhgim dhe përfundimisht të vriste Trump. Shakeri është ende i lirë në Iran.
Zyrtarët iranianë i hodhën poshtë akuzat. Zëdhënësi i ministrisë së Jashtme, Esmail Baghaei, duke e quajtur raportin një komplot nga qarqet e lidhura me Izraelin për t’i bërë më të komplikuara marrëdhëniet Iran-SHBA.
Hetuesve iu tha plani për të vrarë Trump nga Shakeri, një aktiv i akuzuar i qeverisë iraniane, i cili kaloi kohë në burgjet amerikane për grabitje dhe për të cilin autoritetet thonë se mbante një rrjet bashkëpunëtorësh kriminalë të regjistruar nga Teherani për vëzhgime dhe komplote vrasje me pagesë.
Shakeri, një shtetas afgan që jeton në Iran, i tha FBI-së se një kontakt me Gardën Revolucionare paraushtarake të Iranit e udhëzoi atë shtatorin e kaluar që të linte mënjanë çdo punë tjetër që po bënte dhe të pregatiste një plan brenda shtatë ditëve për të vëzhguar dhe në fund për të vrarë Trump.
Trump së fundi revokoi mbrojtjen e sigurisë së qeverisë për ish-Sekretarin e Shtetit Mike Pompeo dhe ndihmësin e tij të lartë, Brian Hook, si dhe ish-këshilltarin e tij për sigurinë kombëtare, John Bolton, të cilët të gjithë janë përballur me kërcënime nga Irani pasi morën qëndrime të ashpra kundër Republikës Islamike gjatë kohës së Trump.
/tv21
