Zëvendës kryekrimineli i parë ! Shkruan Fatmir Limani
ZËVËNDËS KRYEKRIMINELI I PARË !
( të cilit vend’strehim i siguroi… )
E vërtetë që hajdutët me ëndje duhet t’i lajnë këmbët sepse nga kategori e lypsarve i shëndërroi në Sulltana të Sarajeve me pasuri pafund. Dhe tash soji i Kajmakanit të Bukovikut, do t’i pinë ujin si shpërblim që u trajtuan si “kokërra e vezës” në njëzet e pesë vite rradhazi.
SERVILËT !
Thonë:
● Paska garantuar drejtësi dhe liri të shprehjes, por duke mos treguar që çështja e gjuhës është mos-marrëveshje e ngelur në ajër !
● Paska zbritur nga qielli çlirimin, por harrojnë që arritja e këtillë u sigurua me uzurpim të lirisë së vërtetë !
● Paska bërë namin që shqiptarët të fitojnë Universitetin e Tetovës, por gjithnjë duke harruar se themelet u njomën me gjak.
● Paska sjellur edhe Doruntinën nga bota tjetër te Konstandini, por përmes iluzionit dhe dëshirës së madhe që një ditë të rikëthehen në pushtet edhe nga varri !
Të verbuar nga harami s’arrijnë të bindin e kontrollojnë veten se çka flasin, por më e keqja në këtë situatë është që në këtë dorë-halli i ka sjellur humbja e përfitimeve që siguronin nga pushteti apsolut.
Sa qesharak duken në këtë periudhë që përmes sinqeritetit të sajuar dëshirojnë të promovojnë veten si engjujt shpëtimtarë të popullit që e ropën në një çerek shekulli.
Dy dekada me rradhë hartuan ligje që siguronin amnistimin e kriminelëve, të cilët u mbushnin çekmexhet e partisë. Dhe në këto momente udhëheqësi me këmbë të “pastërta” e duar të zhytura në vjedhje, përpiqet të sigurojë liri personale, përmes shpërtimit të zëvëndës kryekriminelit të parë.
》 Tentojnë që gjakun e Qengjave të therur te Argaçët e tyre, ta promovojnë si gjakderdhje çlirimi, të drejte dhe lirie kombëtare. Çoroditja i solli në situatë që gjakun e Dëshmorëve ta krahasojnë me kurbanet e tufës, për të ruajtur kapitalin e vjedhur nga arka popullore.
*PS: HISTORIA E KOMBIT SHQIPTAR MBAN VULËN E GJAKUT TË DËSHMORIT, NDËRSA TAPIA E LIDERIT SHËNDRIT NGA NGJYRA E GJAKUT TË QENGJAVE QË JANË PRERË NË INAUGURIMIN E THEMELEVE TË SARAJEVE FAMILJARE.
Shkruan ministri Fatmir Limani në facbook.
/ms
