Filmohet rënia e avionit të fuqishëm amerikan F-35 në Alaska..(VIDEO)

Një avion luftarak F-35 është rrëzuar gjatë një ushtrimi në bazën ajrore të Eielson në Alaska, ndërsa piloti është katapultuar dhe është i sigurt, konfirmuan autoritetet.

Avioni ka pësuar një “defekt gjatë fluturimit” dhe piloti ka mundur të katapultohej nga avioni, tha në një konferencë për shtyp koloneli i Forcave Ajrore amerikane, Pol Townsend, komandant i Krahut të 354-të Luftarak, sipas raportit të Associated Press. Aksidenti ka ndodhur gjatë uljes gjatë ushtrimit, thuhet në raport.

Një video dramatike e aksidentit u përhap shpejt në internet. Në video shihet si avioni bie në spirale drejt tokës para se të shpërthejë pas goditjes. Në sfond mund të shihet një parashutë që ngadalë po bie drejt tokës. Fjalët e përfaqësuesit të forcave ajrore më pas konfirmuan autenticitetin e videos për CBS News.

Baza ajrore e Eielson në një njoftim tha se incidenti, i cili ndodhi të martën pasdite sipas kohës lokale, shkaktoi “dëme të konsiderueshme” për avionin F-35 Lightning II. Piloti është i sigurt dhe është dërguar në spitalin ushtarak Base.

“Ju siguroj se Forcat Ajrore të Shteteve të Bashkuara do të kryejnë një hetim të plotë me shpresën se do të minimizojnë mundësitë që ngjarje të tilla të ndodhin përsëri,” tha Townsend. F-35 është gjeneratori më i madh i të ardhurave për Lockheed Martin, i cili kontribuon me rreth 30 përqind të fitimeve totale.

Lockheed më herët të martën njoftoi se do të jetë më pak i fitueshëm sesa pritej në vitin 2025, pjesërisht për shkak të shtyrjes së përditësimeve të F-35. Pentagoni planifikon të blejë 2,500 avionë F-35 gjatë dekadave të ardhshme.

VIDEO:

/ts