Përurimi i Shtëpisë së Kosovës në Davos, prezent dhe Ambasadori Rexhep Demiri

Një Mbrëmje Historike në #Davos – Përurimi i Shtëpisë së #Kosovës . #Zvicër  #Switzerland *Schweiz *Suisse
Me ftesën e nderuar nga Ambasada e Republikës së #Kosovës në Bernë e udhëhequr nga Shkëlqesia e tij z. Mentor Latifi, pata privilegjin të marr pjesë në mbrëmjen e parë të përurimit të House of Kosova në Davos.

Ishte një mbrëmje që sfidon çdo përshkrim të shkurtër, një atmosferë e gjallë dhe plot emocion, që të ngjallte ndjesinë e të qenit në Kosovë, falë traditës dhe mikpritjes së jashtëzakonshme. Ky ambient i përkryer u pasurua edhe më tej nga prania e shumë personaliteteve të shquara, të cilat e ngritën në lartësi të veçanta këtë ngjarje unike.

Një Nder i Shumëfishtë
Në këtë mbrëmje pata fatin të jem i nderuar në disa dimensione. Para së gjithash, isha i privilegjuar për ftesën në Shtëpinë e Kosovës në Zvicër – një hapësirë që hapej për herë të parë. Së dyti, pata mundësinë të shoqërohem mga figura të respektuara, si Ambasadorin e Maqedonisë së Veriut, Shkëlqesinë e tij z. Rexhep Demiri , kryetarin e Rrjeti i Miqësisë z. Meti Krasniqi , kryetarin e Rrjeti i Bizneseve Shqiptare në Zvicrën Qëndrore z. Visar Robelli dhe kryetarin e Shoqërisë Aksionare të Rrjetit, z. Mehdi Avdijaj .

Por mbi të gjitha, kjo mbrëmje mori një nuancë personale dhe të paharrueshme për mua, pasi rastisi të jetë edhe dita e lindjes sime. Festimi i ditëlindjes në mesin e kaq shumë personaliteteve të rëndësishme, në këtë ngjarje të veçantë, ishte një përvojë që do të mbetet përgjithmonë në kujtesë.
Sharmi i Veçantë i Mbrëmjes

Atmosfera e kompletuar nga detajet e punuara me përkushtim të veçantë nga kompania LIKA Group AG , të cilës i shpreh mirënjohje për standardin e jashtëzakonshëm që solli në këtë ngjarje. Ndër momentet më prekëse për mua ishte ekspozimi i dy veprave artistike të mjeshtrit të ndjerë, Omer Kaleshi, një emër i madh nga vendi im.

Pata gjithashtu kënaqësinë të bashkëbisedoj dhe të ndaj këtë mbrëmje të veçantë me miq e bashkatdhetarë si Ambasadorët Mentor Latifi dhe Rexhep Demiri, Ministren e Ekonomisë znj. Artane Rizvanolli , z. Esat Lika dhe shumë personalitete të tjera si Ersen Shoshi, Rexhep Berisha, Pal Deda , Kushtrim Musliu, Arben Shoshi , Visar Robelli, Nazmi Jakurti , Meti Krasniqi, Nefail Maliqi , Mehdi Avdijaj, Alban Y. Neziri , Loris Shoshi dhe të tjerë.

Një Lidhje me Rrënjët dhe Ardhmërinë
House of Kosova nuk është thjesht një hapësirë, është një simbol i lidhjes së fuqishme mes Kosovës dhe diasporës sonë në Zvicër. Përkushtimi, puna e palodhur dhe vlerat që kjo shtëpi përfaqëson, janë një testament i identitetit dhe kulturës sonë të përbashkët.

Një falënderim i veçantë për të gjithë ata që kontribuan në realizimin e kësaj ngjarjeje historike dhe që çdo moment të asaj mbrëmjeje e bënë një kujtim të paharrueshëm. Me besim dhe shpresë, House of Kosova do të vazhdojë të jetë një urë e fuqishme mes Kosovës dhe komunitetit ndërkombëtar.
Shkruan Florim Useini në facebook.