Gjendet e vdekur 62-vjeçarja shqiptare në Itali ! Ngushllime familjes (FOTO)

Suzana Koçibeli, e cila kishte humbur kontaktet me familjen e saj para dy javëve, është gjetur e vdekur ditën e sotme, pranë termocentralit Enel, në zonën Castel Giubileo të Romës.

Trupi i 62-vjeçares shqiptare, u zbulua nga punonjësit e termocentralit, të cilët vunë re trupin e pajetë të saj. Nga sa raportohet nga hetimet fillestare, trupi i viktimës nuk ka patur shenja dhune.

Dyshohet se znj.Kocibelli ka kryer vetëvrasje, pasi familjarët e saj më herët kanë shprehur se ajo vuante nga depresioni. Trupi i viktimës kishte disa ditë në ujë. Pas përfundimi të hetimeve trupi i pajetë u dërgua në morg, ku autoritetet lokale gjyqësore priten të vlerësojnë rastin, për të kryer autopsinë.

Familjarët e znj.Koçibelli e kanë ndjerë mungesën e saj dhe kanë denoncuar në polici zhdukjen e saj.
Në një intervistë foli për gazetën italiane dhe vajza e 62-vjeçares, e cila shpresonte që nënën e saj ta takonte të gjallë dhe shprehu dëshirën që ajo të kthehej në shtëpi me të dashurit e saj.

“Për herë të fundit e pashë nënën time dje në mbrëmje, një mbrëmje para zhdukjes së saj, sepse jetojmë në të njëjtën ndërtesë në shtepi te ndryshme ishte me pizhame, por nuk e di cfarë kishte veshur kur doli jashtë. Mami kthehu në shtëpi jam e shqetësuar, të dua.” tha vajza.

FOTO:

/syri.net