Zvicra synon të parandalojë imigracionin e paligjshëm..!?

Në një lëvizje që synon të parandalojë imigracionin e paligjshëm, qeveria zvicerane ka miratuar rregullat e reja të BE-së për transmetimin paraprak të të dhënave të pasagjerëve, njoftoi Këshilli Federal, përcjell albinfo.ch.

Kjo do të thotë se informacioni nga të gjitha fluturimet me origjinë nga shtetet jo-BE / EFTA – duke përfshirë MB dhe Amerikën e Veriut – për në Zvicër në të ardhmen do të mblidhen automatikisht dhe do t’u transmetohen autoriteteve kufitare.

Për sa i përket afateve për masën e re, BE do të zhvillojë zgjidhjen teknike për mbledhjen e të dhënave deri në fund të vitit 2028.

Shtetet e Shengenit, përfshirë Zvicrën, si dhe linjat ajrore do të kenë më pas dy vjet për të testuar sistemin e zhvilluar dhe për të përshtatur ndryshimet, të cilat do të bëhen të detyrueshme nga viti 2031.

/albinfo