Rusia ka planifikuar të rrëzoj aeroplanët në mbar botën..!

Kryeministri i Polonisë, Donald Tusk, deklaroi të mërkurën se Rusia kishte planifikuar sulme terroriste ajrore, jo vetëm kundër Polonisë, por edhe kundër linjave ajrore në mbarë botën. Deklarata e tij vjen pas raportimeve të inteligjencës perëndimore që paralajmëruan për një komplot rus për të shpërthyer avionë mallrash në vendet perëndimore.

Informacionet e para për këtë komplot dolën në verë, kur pajisje ndezëse të vendosura në qendra transporti në Britani dhe Gjermani shkaktuan zjarr, por me dëme minimale. Dyshohet se këto zjarre ishin teste të masave të sigurisë të organizuara nga shërbimi i inteligjencës ushtarake ruse, GRU.

Qëllimi përfundimtar i këtij plani mbetet i paqartë, por hetimet po vazhdojnë për të zbuluar nëse synohej shkatërrimi i avionëve në pista apo gjatë fluturimit. Prej frikës së përshkallëzimit, Shtëpia e Bardhë paralajmëroi Kremlinin se një akt i tillë mund të shkaktonte një reagim të ashpër nga SHBA.

Ndërkohë, aktivitetet e sabotimit nga GRU kanë përfshirë zjarrvënie në fabrika armësh, dëmtime në kabllo telekomunikacioni dhe vandalizime të ndryshme në Europë. Pavarësisht se disa operacione duken amatore, ekspertët paralajmërojnë se këto veprime janë të rrezikshme dhe mund të kenë pasoja fatale.

Inteligjenca perëndimore thekson se GRU ka rikthyer operacionet e saj në Europë përmes agjentëve të rekrutuar në internet, duke shkaktuar shqetësime për rritjen e rrezikut të gabimeve me pasoja serioze.

/orecast