Ziadin Sela: Lotët e Zamirës së vogël do ti ndjekin pas ata që kanë gisht në rastin e Kumanovës

Lajme nga Maqedonia

Kreu i Aleancës për Shqiptarët, Ziadin Sela ka përkujtuar sot 5 vjetorin e rastit “Lagjja e Trimave”.

Ja postimi i plotë i tij:

Shpreh keqardhje të thellë për humbjen e jetëve dhe shpreh ngushëllime për familjet e personave të vrarë dhe të plagosur më 09.05.2015.

Sot u mbushën 5 vite nga aksioni i Kumanovës, kryesisht Lagjen e Trimave . Lotët e vajzës së vogël Zamirës, trishtimi i banorëve të Lagjës së Trimave dhe tradhëtia ndaj ish-bashkëluftëtarëve do t’i ndjekin në çdo moment të gjithë ata që kanë gisht në përgatitjen dhe realizimin e skenarit të Kumanovës!

Ne kemi kërkuar dhe vazhdojmë të kërkojmë hetim ndërkombëtarë për rastin e Kumanovës!

Nuk mund të harrohet kurrë kjo ditë! Nuk ka fuqi që mund të ndalë drejtësinë për jetët e këputura në mes dhe për ata që sot e kësaj dite janë në burg.

/ts