Kujdes cilin do të zgjidhni për kyetar komune..!?
Kujdes cilin do të zgjidhni për kyetar komune..!?
Dua të bëj një thirrje serioze dhe të thellë për ata që synojnë të marrin poste udhëheqëse, qofshin ato për kryetarë komune apo pozita të tjera.
Ky është një angazhim i madh dhe jo një mundësi për karrierë personale apo për të shfaqur vetën.
Kur merrni një detyrë të tillë, duhet të mendoni mirë se çfarë përgjegjësie po merrni mbi supe dhe se si do të ndikoni në jetën e qytetarëve tuaj.
Përpara se të vendosni të merrni këtë detyrë, pyeteni veten:
– A jam i gatshëm të përballoj peshën e këtij angazhimi?
– A jam i gatshëm të jap llogari para këtij populli, që ka vuajtur dhe ka nevojë për ndihmën time?
Kjo është një detyrë që kërkon përkushtim të thellë dhe përgjegjësi, jo një shfaqje teatrore apo mundësi për të kënaqur ambiciet personale. Çdo fjalë, çdo vendim ka ndikim dhe peshë të madhe. Një gabim, edhe i vogël, mund të shkaktojë dëme të mëdha.
Kujdes, sepse jeni përpara një populli që ka vuajtur shumë, që ka halle të mëdha dhe që ka nevojë për udhëheqës të vërtetë, të përgjegjshëm, të matur.
Mos e merrni me lehtësi këtë detyrë. Çdo hap që hidhni ka pasojë dhe çdo vendim që merrni, duhet të jetë në interes të njerëzve që ju kanë besuar.
Të udhëheqësh është një mundësi për të shërbyer, jo për të shfrytëzuar. Kujdes, dhe bëni zgjedhje të mençura!
Shkruan Lulzim Limani
/ms
