Maqedoni: Kërkohet 500 euro pagë minimale sipas OEMVP..!?

Oferta për pagë minimale prej 500 eurove por me kontribute minimale sociale për ata që kanë paga më të larta është propozimi i Odës ekonomike të Maqedonisë Veri-Perëndimore, për pushtetin është çështje e dakordimit mes partnerëve social që janë pjesë e Këshillit ekonomik social.

Sot për TV21 nga Qeveria për këtë ofertë u përgjigjën se çdo vendim që do ta sjellin, do të jetë me konsensus.
Përndryshe nga OEMVP ofruan që paga minimale të jetë 500 euro, por në këmbim që të ulen kontributet sociale prej 47.7% në 32% dhe të zbatohet modeli i Sllovenisë.

Por sipas ekonomistëve kjo është vështirë që të pranohet. Personat me paga më të larta do t’i paguajnë më pak shtetit. Propozimi sipas ekonomistit Nikolla Popovski nuk është shpjeguar mirë, për shkak se nuk dihet çfarë saktë do të shkurtohet te kontributet sociale që duhet të ulen prej 15 deri në 20 pikë për qind, ose mbi 40%, është mirë vetëm për kompanitë.

Përndryshe, gjatë krahasimit me Slloveninë, Qyra nuk përmendi se në këtë shtet ka tatim progresiv të të ardhurave, përkatësisht ata që kanë të ardhura më të larta, paguajnë tatime shumë më të larta nga qytetarët më të varfër.

/tv21