Një BDI pa Artan Grubin drejt reformimit apo fundosjes..!?
Ndryshimet në skenën politike filluan nga fillimi i vitit, po vazhdojnë edhe sot e tutje. Zgjedhjet e këtij viti shkaktuan tërmet politik në Maqedoninë e Veriut, opozita në pushtet, e pushteti në opozitë. Ky ndërrim i vendeve ndryshoi gjithçka.
BDI-ja opozitare po proklamon destabilizim dhe po provokon tensionimin e situatës, VLEN-i po promovon punë dhe projekte konkrete. Por, tentimet e BDI-së për ruajtjen e gjuhës sipas VLEN-it janë falso e sipas BDI-së janë kauzë e vërtetë. Por, gjitha tentimet e BDI-së u zbehen me futjen e Grubit në listë të zezë, kjo a do të ndikojë që BDI të reformohet apo të fundoset tërësisht, shkruan Zhurnal.
“Pensionimi Grubit” do ta reformojë BDI-në apo do ta shkatërroj?
Artan Grubi politikani më i përfolur gjysmë dekadën e fundit, ikona e BDI-së. Pra, me Grubin identifikohej edhe BDI-ja. Edhe pse shumë vonë i anëtarësuar në këtë parti arriti me mjeshtrin e tij ta kap timonin e partisë dhe kështu rrjedhimisht u bë figura më e përfolur në skenën politike.
Por, mesa duket Grubi kishte qenë duke shijuar ditët e fundit si personazh aktiv në skenën publike, pasi mesa doli në opozitë përfundoi karriera e tij politike. Pse? Sepse Grubi u fut në listë zë zezë nga SHBA-të, duke u shpallur si non grata apo person i padëshiruar. Krejt kjo pasi ishte kapur për ndikimet e tij në gjykata për lirimin e Sasho Mijallkov në shkëmbim të krejt kësaj kishte marrë kosto të madhe parash.
BDI teksa me eufori po bënin opozitë nën tenda morën këtë lajm “mortor” me çka u detyruan qysh të nesërmen të largojnë edhe tendat. Ky veprim i BDI-së flet dhe vërteton faktin se Grubi ka qenë figura kyçe më eminente në këtë parti. Prandaj, edhe largimi i tij ngjallë dilema se si do të ndikojë në BDI.
Grubi e kishte marr timonin e BDI-së, tani çfarë do të ndodhë në këtë parti?
BDI mori tatëpjetën që kur u shfaq grupi i zjarrit, këto të fundit dolën në skenë me parullën që partia nuk i nënshtrohet individit. Do të thotë aludimet e këtij grupi të pa kënaqurve që u shkëputen nga BDI ishin pikërisht përshkak të nënshtrimit të partisë ndaj Grubit.
Prandaj, kur jemi në këtë situatë që në mënyrë të papritshme Grubi futet në listë të zezë me çka u largua edhe nga skena publike, për BDI-në ishte shok. Mbase, thuhet se shumë funksionarë të brendshëm partiak nuk e kanë dashur Grubin në krye të partisë.
Meqë opozita njihet si vend ideal për tu reformuar partitë politike edhe BDI e ka këtë mundësi. Mbase, LSDM nga kampi maqedonas bëri reformat e menjëhershme, ndryshoi edhe kryetarin e partisë, rifreskoi gjithë strukturën partiake. BDI pati ngec në këtë drejtim.
Futja e Grubit në listë të zezë është një shancë i mirë për reforma të thella rrënjësore në BDI. Pra, nga gjitha informatat jo zyrtare që kanë qarkulluar ndër vite që Grubi është i padëshiruar në parti, kjo situatë më shumë do t’i ndihmojë BDI-së.
E kjo nënkupton që nëse Grubi kishte vazhduar të qëndrojë në BDI do ta kishte dërguar drejt fundosjes apo shpartallimit total të kësaj partie. Pasi, kohëve të fundit Grubi kishte pushtet absolut si në parti ngjashëm edhe në ekzekutiv dhe me sa ngjanë nuk diti ta menaxhojë mirë këtë pushtet të tepruar.
Pushteti i tepërt ndikoi që Grubi të shndërrohet person i padëshirueshëm edhe brenda strukturave partiake të tij.
Megjithatë, vështirë është të parashikohet por duke lexuar veprimet e së kaluarës për BDI-në ky veprim do të jetë hapi i parë drejt reformimit që ka qenë nevojë e kamotshme për këtë parti. Pavarësisht se kush do ta pasojë pushtetin e Grubit e rëndësishme është që të mos trashëgojë sjelljet e tij të pa kontrollueshme e të dominuara nga arroganca dhe mendjemadhësia.
/Zhurnal.mk
