7 dhe 8 Marsi u shënua me dekorime të personaliteteve të shquara, vizita dhe promovime..(FOTO)
Në Kabinetin e kryetarit u dekorua Zonja Sanije Sadiku si femra e parë shqiptare në vendin tonë Kryetare e Komunës së Osllomesë, gjatë vitit 2000-2005, 2005-2009 dhe u nda Vlerësim Post Mortum për Zonjës Axherka Mediu, e para vajzë kërçovare që u inkuadrua në arsim si mësuesja e parë shqiptare në rrethin tonë gjatë vitit 1945/46. Vlen të theksohet se kontributi i familjes Mediu nga Kërçova ka qenë tepër i çmuar nga Universiteti i Tetovës, sepse në atë kohë vëllau i mësueses Axherka, z. Ekrem Mediu ka dhuruar një shumë të madhe financiare për të vijuar studimet të rinjtë tanë nga Maqedonia dhe më gjërë në UT.
Në Çerdhen e qytetit dhe SHF “ Sande Shterjoski “ në prezencë të zv/drejtorit të Doganave të RMV z. Irfan Buçi u bë hapja solemne e klasave senzorike. Mirënjohje dhe falënderime për z. Buçin dhe donatorët Kompaninë “NEPTUN” të z.Arsim Papraniku dhe “AKINVEST” të z.Hazbi Ibrahimin për mundësinë financiare të dy dhomave senzorike për fëmijët me nevoja të posaçme në Kërçovë.
Vazhduam në vendprehjen e pishtarin të arsimit Pertef Abaz Therepeli në varrezat e fsh. Jagoll për të nderuar mësuesin e parë i cili erdhi nga Skrapari i Shqipërisë për të arsimuar fëmijët e asaj kohe në fshatrat e Kërçovës.
Më në fund, u ndalëm në SHF “ Naim Frashëri “ në Jagoll për të promovuar Këndin Arkivor dhe Bibliotekën “ Pertef Therepeli “. Bashkëpunimi i ndërsjell midis Sektorit për Arsim dhe ushëheqësisë së shkollës mundësoi që të gjendet banka, dërrasa e zezë, numratorja dhe regjistrat të cilët i ka përdorur vetë Therepeli përgjatë punës së tij në arsim dhe edukim të brezave. Ata janë ekspozuar në hapsirën e shkollës dhe të gjithë të interesuar mund t’i vizitojnë, si dhe të njihen nga afër për vlerat dhe kontributin e jashzakonshëm të siç e quajnë nxënësit e tij “ Babai i arsimit “.
FOTO:
