Dëbohet nga Zvicra shtetasi i Maqedonisë që dhunoi një babysitter..

Një burrë nga Maqedonia e Veriut që përdhunoi një grua të re finlandeze në një veturë u dënua nga gjykata më e lartë zvicerane me 46 muaj, plus dëbim nga vendi. Në instancën e parë ai u trajtua aq butë sa nuk do të kishte shkuar as në burg

Tre burra 24-vjeçarë nga Zvicra lindore udhëtuan me veturë nga Uzwil SG në Cyrih në qershor 2021. Në garazhin e parkimit Urania në qytetin e Cyrihut, dy shtetasit e Maqedonisë së Veriut dhe një kosovari folën me një finlandeze 19-vjeçare nga vetura pak para mesnatës. Vajza babysitter kishte qenë më parë në një pijetore aty pranë me miqtë dhe donte të takonte më shumë njerëz në Chinagarten.

Sipas aktakuzës, gruaja finlandeze ishte shumë e dehur kur hipi në veturë dhe burrat i ofruan rum. Njëri nga dy shetasit e Maqedonisë së Veriut filloi ta prekte gruan në karrigen e pasme dhe iu afrua mes këmbëve. Pak më vonë ai ndërroi vendet me bashkatdhetarin e tij në karrigen e pasagjerit. Specialisti i shëndetësisë ia ka vdeshur pantallonat gruas që nuk ka mundur të rezistojë dhe e ka përdhunuar pavarësisht një jo të qartë.

Për më tepër, i akuzuari kryesor mësohet se ka qenë i përfshirë në një sulm ndaj një personi të dehur rëndë, ka marrë pjesë në trazira të rënda, ka ushtruar dhunë për t’i rezistuar kontrollit policor dhe ka fyer oficerët. Ai gjithashtu ka tejkaluar masivisht shpejtësinë e kufizuar në automjetin e tij disa herë.

Në maj të vitit 2023, Gjykata e Qarkut të Cyrihut e dënoi të akuzuarin kryesor, shtetasin e Maqedonisë së Veriut me burgim të kushtëzuar prej 22 muajsh dhe gjobë me kusht për përdhunim dhe vepra të tjera. Ai gjithashtu duhet t’i paguajë viktimës 15 000 franga si dëmshpërblim. Shtetasi i dytë i Maqedonisë së Veriut, i cili gjithashtu ishte ulur në karrigen e pasme të veturës, u gjobit me 1 000 franga për ngacmim seksual. Kosovari pas timonit mori një gjobë me kusht. Gjykata gjithashtu u përmbajt nga dëbimi i dy shtetasve të Maqedonisë së Veriut.

Prokurori publik u ankua kundër aktgjykimit për të akuzuarin kryesor, kështu që ai duhej të paraqitej para gjykatës më të lartë të hënën. Burri do ta kishte pranuar vendimin e fajësisë, edhe pse ai foli për seks konsensual në gjyqin para Gjykatës së Qarkut të Cyrihut.

Gjatë marrjes në pyetje, kryegjyqtari u shfaq i irrituar se i akuzuari nga njëra anë punonte në profesionin e infermierisë, por nga ana tjetër kishte kryer një sërë krimesh. „Pakujdesi rinore, kolegë të rremë, alkool dhe drogë“, shpjegoi burri.

Ai jeton me të dashurën e tij, është rritur në Zvicër dhe e gjithë familja jeton këtu. “Nëse do të më dëbonin nga vendi, nuk do të dija çfarë të bëja në Maqedoninë e Veriut”. Ai ndjehet zviceran. Lidhur me krimin e vërtetë, ai iu referua deklaratave të tij në gjykimin para gjykatës së rrethit.

Për prokurorin publik, aktgjykimi i gjykatës më të ulët është i pakuptueshëm. „Gjykata më e lartë tani duhet të dërgojë një sinjal të qartë dhe të tregojë se përdhunimi nuk është një vepër e parëndësishme“. I akuzuari duhet të dënohet në masën më të plotë të ligjit, shkruan „20 Minuten“, transmeton portali Shtegu. Prokurori publik kërkoi dënim me burg prej 42 muajsh dhe gjashtë vjet dëbim nga vendi. Ai theksoi se gjykata më e ulët nuk ishte pajtuar për këtë pikë dhe se një nga tre gjyqtarët e qarkut ishte shprehur pro një dëbimi nga shteti. “Nuk ka asnjë liri veprimi me këtë regjistër mëkatesh”, tha prokurori.

Nga ana tjetr, avokati ka argumentuar refuzimin e ankesës dhe konfirmimin e aktgjykimit. “Klienti im nuk përdori asnjë forcë fizike gjatë përdhunimit”, tha ai. Përveç kësaj, au pair vullnetarisht e vuri veten në një situatë të caktuar të rrezikshme kur hipi në vetutën e tre burrave që nuk i njihte. Dëbimi nga vendi duhet të shmanget. “Klienti im ishte vetëm 21 vjeç në atë kohë dhe është sjellë mirë gjatë tre viteve e gjysmë të fundit”.

Gjykata më e lartë e dënoi me 46 muaj burg pa kusht dhe e dëboi nga vendi për pesë vjet. I akuzuari ka shfrytëzuar situatën. Ishte e qartë se viktima e dehur nuk e dëshironte këtë. “Vendimi i gjykatës më të ulët është jashtëzakonisht i pavend”, tha kryetari i trupit gjykues. Lidhur me dëbimin nga vendi, gjyqtari tha se vendimi ishte i ashpër, por që e kishte kërkuar gjykata federale.

/shtegu