Zvicra nuk është më ndër vendet më të pasura në botë..!?

Zvicra nuk është më në krye të renditjes së vendeve më të pasura. Një indeks i ri i prosperitetit, i krijuar nga HelloSafe, e vendos atë në vendin e katërt. Metodologjia e renditjes thekson pabarazitë dhe prioritetet sociale

Zvicra, vendi më i pasur në botë? Jo, as e dyta, ajo renditet në vendin ekatërt në “Indeksin e Prosperitetit”, menjëherë pas Luksemburgut, Norvegjisë dhe Irlandës.

Kjo renditje e re, e krijuar nga HelloSafe, një platformë për krahasimin e produkteve financiare, shkon më tej se produkti i brendshëm bruto klasik (GDP). Ai nënvizon pabarazitë globale dhe prioritetet sociale që duhet të shoqërojnë zhvillimin ekonomik.

Europa është mirë në krye të tabelës, falë ekonomive të saj të forta, zhvillimit të lartë njerëzor dhe barazisë relative të të ardhurave. Luksemburgu zë vendin e parë me rezultatin 86.2 nga 100, i ndjekur nga Norvegjia (85.1) dhe Irlanda (84.7).

Zvicra, me infrastrukturën e saj të avancuar dhe ekuilibrin e saj ekonomik, mbetet ende një model prosperiteti, transmeton portali Shtegu. Vetëm një vend jo-evropian, Katari, arrin të hyjë në top 5 falë dinamizmit të tij ekonomik.

Kontrasti midis Europës Perëndimore dhe Lindore është ende i dukshëm. Ndërsa vendet nordike dhe perëndimore dominojnë, rezultatet më të ulëta në rajon shkojnë në vende si Moldavia (36.9), Maqedonia e Veriut (38.4) dhe Shqipëria (38.5).

Këto të fundit përballen me sfida të konsiderueshme ekonomike dhe sociale, shpjegon krahasuesi. Ekonomitë e këtyre kombeve janë gjithashtu më pak të fuqishme se fqinjët e tyre veriorë.

Jo çuditërisht, në fund të renditjes botërore, vendet e Afrikës Sub-Sahariane kanë rezultatet më të ulëta. Mozambiku është më i keqi, me rezultatin 10.88. Svazilandi i paraprin me 17.37.

Këto rezultate pasqyrojnë sfida të thella ekonomike, infrastrukturë të pamjaftueshme dhe varfëri endemike. Megjithatë, disa shtete afrikane si Mauritius (41.05) dhe Seychelles (40.77) dallohen për nivele relativisht të larta të prosperitetit falë progresit në stabilitetin ekonomik dhe zhvillimin njerëzor.

Ndryshe nga renditjet e bazuara ekskluzivisht në PBB, Indeksi i Prosperitetit HelloSafe integron dhe peshon tregues të tillë si Indeksi i Zhvillimit Njerëzor (HDI) dhe koeficienti Gini, duke reflektuar respektivisht cilësinë e jetës dhe pabarazinë e të ardhurave.

Këto indekse të ndryshme të mbledhura së bashku janë më të rëndësishme, beson HelloSafe, për të kuptuar çështjet në botën e sotme.
Nuk ka të bëjë më vetëm me një ekonomi të fortë. Barazia ose mirëqenia kontribuojnë shumë në nivelin e prosperitetit të një vendi.

/shtegu