Duket se duan të fillojnë Luftën e Tretë Botërore para se Trump të vijë në pushtet ! Ja kush e thotë..

Djali i presidentit të sapozgjedhur amerikan, Donald Trump, deklaroi se kompleksi ushtarako-industrial dëshiron të sigurohet që Lufta e Tretë Botërore të fillojë para se babai i tij të marrë pushtetin.

“Duket se kompleksi ushtarako-industrial dëshiron të nisë Luftën e Tretë Botërore para se babai im të ketë mundësinë të krijojë paqe dhe të shpëtojë jetë. Duhet t’i ndalojmë ato triliona dollarë. Mallkuar qofshi, idiotë,” shkroi Donald Trump Jr. në rrjetin social “X”.

Administrata e presidentit Joe Biden do t’i lejojë Ukrainës të përdorë armët e furnizuara nga SHBA për të sulmuar thellë në territorin rus, thanë tre burime të njohura me këtë çështje, duke përfaqësuar një ndryshim të rëndësishëm në politikën e Uashingtonit në konfliktin ukrainas-rus, raporton Reuters.

Ukraina planifikon të kryejë sulmet e para me rreze të gjatë në ditët në vijim, thanë burimet, pa zbuluar detaje për arsye të sigurisë operacionale.

Shtëpia e Bardhë nuk i ka komentuar raportet.
Nëse konfirmohet, kjo do të përbënte një ndryshim të madh në politikën e SHBA-së, pas kërkesave të vazhdueshme nga Kievi për të lejuar sulme të tilla.

/klanmacedonia