Çmimi i celularëve në Zvicër po bie ! Porositni tu bien nga nji në vendlindje..

Shumë mallra të konsumit janë më të shtrenjta në Zvicër se kudo në Evropë, por lajmi i mirë është se çmimet e telefonave inteligjentë kanë rënë në vitin 2024 për herë të parë në vite, përcjell albinfo.ch.

Për shembull, në faqen e internetit të Galaxus dhe Digitec, shpërndarësit më të mëdhenj të telefonave inteligjentë në Zvicër, një pajisje e re që shitej për 544 franga në vitin 2023, tani kushton 510 franga.

Kryesisht janë telefonat inteligjentë me ekran të madh që janë bërë më të lirë – tani kushtojnë rreth 421 franga, krahasuar me 803 në 2019.

Në përgjithësi, shumica e pajisjeve elektronike kushtojnë më pak në Zvicër sesa jashtë vendit.
Arsyeja është se, me 8.1 për qind, Tatimi mbi Vlerën e Shtuar (TVSH) që i shtohet çmimeve të të gjitha produkteve që shiten në Zvicër, është shumë më i ulët se në vendet e tjera.

Për krahasim, TVSH-ja standarde mesatare në Bashkimin Evropian është 21 për qind, ku disa vende e tejkalojnë këtë shifër.

/albinfo