Mashtrimi i ri online synon pensionistët zviceranë..!

Zyra Federale për Sigurinë Kibernetike (BACS) po merr raporte për email phishing të dërguara në emër të fondit shtetëror të pensionit AHV/AVS.

Lidhja që gjendet në email çon në një faqe phishing, e cila imiton ngjyrat dhe logon e fondit real të pensioneve, dhe për këtë arsye duket e besueshme.

Mashtruesit e përdorin atë për të inkurajuar viktimat të japin të dhëna personale dhe informacione për kartën e kreditit. “Në valën aktuale të phishing, emri i fondit federal të kompensimit AHV/AVS po keqpërdoret”, paralajmëroi BACS.

Për shembull, kriminelët kibernetikë përpiqen të joshin viktimat për të zbuluar detajet e kartës së tyre të kreditit, duke u premtuar atyre një rimbursim. Me këtë informacion, mashtruesit, ndër të tjera, mund të bëjnë blerje mashtruese në emër të viktimës ose t’ua rishesin të dhënat palëve të treta”, tha BACS, duke këshilluar këdo që merr një email të tillë që ta fshijë atë.

/albinfo