Kush është Kamala Harris, gruaja që përnjëherë mori vëmendjen e madhe..!?

Vendimi i presidentit Joe Biden për t’i dhënë fund garës për rizgjedhje dhe përkrahja që në vend të tij të garojë zëvendëspresidentja Kamala Harris i ka dhënë shtytje të fuqishme dhe ka kthyer edhe njëherë vëmendjen e madhe te Harris.Trajektorja e karrierës së saj prej prokurores në politikane është shquar si flamurtare në shumë fusha: Ishte e para senatore amerikane me prejardhje induse dhe gruaja e parë dhe prokurorja e parë grua e Kalifornisë, njëherësh gruaja e parë me prejardhja jugaziatike në këtë pozitë.

Harrisi u bë gruaja e parë që u zgjodh zëvendëspresidente, si dhe amerikania e parë me ngjyrë dhe personi i parë me prejardhje aziatike në këtë post të lartë të politikës amerikane, kujton televizioni CNN në shkrimin përmbledhës për karrierën e Harrisit.Tani, që ka nisur të krijohet momentimi për të si kandidatja më e mundshme demokrate për zgjedhjet e sivjetme presidenciale, Harris është në prag që të bëhet presidentja e parë grua e Shteteve të Bashkuara të Amerikës.

Ja çfarë dihet për jetën dhe momentet që përkufizuan jetën e saj politike.Bijë emigrantëshKamala Harris u lind në Oakland në Kaliforni më 20 tetor 1964.Në hyrje të memoareve të saj të publikuara më 2019, “The Truths We Hold”, Harris theksonte se emri i saj theksohet si koma-la” dhe se ka kuptimin e lules së zambakut të ujit, në nderim të një simboli të rëndësishëm në kulturën e Indisë, tregon CNN.Babai i Harrisit, Donaldi, migroi në Shtetet e Bashkuara nga Xhamajka për të studiuar ekonominë në Universitetin e Kalifornisë në Berkeley.

Ai tani është profesor emeritus i ekonomisë në Stanford.Nëna e saj, Shyamala Gopalan Harris, migroi në Shtetet e Bashkuara nga India jugore në fund të viteve pesëdhjetë. Ajo fitoi doktoratën në endokrinologji dhe nutricion në Berkeley dhe u bë hulumtuese me nam e kancerit të gjirit para se të vdiste më 2009.Harris shkruan se prindërit e saj “u takuan dhe ranë në dashuri në Berkeley derisa po merrnin pjesë në lëvizjen e të drejtave civile”, por çiftu u shkurroëza më vonë kur Harris dhe motra e saj, Maya, ishin të reja.Harris ia lë meritat nënës për që na “formëzoi për gratë që do të bëheshim” dhe që i mësoi të bijat të ndiheshin krenare për trashëgiminë e tyre induse dhe me ngjyrë.“Emrat tanë klasikë na lidhin me trashëgiminë tonë, dhe jemi rritur me ndërgjegje dhe vlerësim të fuqishëm për kulturën induse”, ka shkruar Harris në librin e saj.

“Nëna ime e kuptoi fare mirë se po i rriste dy të bija me ngjyrë. Ajo e dinte se vendi i saj adotpues do ta shihte Mayan dhe mua si dy vajza me ngjyrë, dhe ishte e vendosur që të sigurohej që të rriteshim si gra me vetëbesim dhe me krenari për prejardhjen me ngjyrë”.“E para” gjithkundMë 1982, Harris u regjistrua në Universitetin e Hoëardit, një universitet historikisht i dominuar nga amerikanët me ngjyrë, në zemër të Uashingtonit.Aty, ajo do t’i bashkohej “Alpha Kappa Alphas”, shoqëria më e vjetër e studentëve me ngjyrë në vend, dhe mori një diplomë baçelori në shkenca politike dhe ekonomi. Ajo më vonë do të bëhej e diplomuara e para e një universiteti të themeluar për studentët me ngjyrë, që do të zgjidhej zëvendëspresidente.Pas kolegjit, Harris u kthye në Kaliforni dhe ndoqi shkollën e së drejtës në Universitetin e California Hastings. Kur ndau mendjen të bënte karrierë si prokurore në zyrën e prokurorit të qarkut, Harris tha se e dinte që do të duhej të mbronte vendimin e saj para miqve dhe familjes.

“Amerika ka një histori të vjetër dhe të errët të njerëzve që përdorin pushtetin e prokurorit si instrument padrejtësie”, ka shkruar ajo në memoar. “Por njashtu e dija se çfarë nuk shkonte me sistemin nuk kish pse të merrej si fakt i pandryeshueshëm. Dhe unë doja që të isha pjesë e atij ndryshimi”.Pas diplomimit në shkollën e së drejtës, Harris punoi për tri dekada si prokurore, duke shërbyer si zëvendëse e kryeprokurorit për Alameda County të Oaklandit, para se më 2004 të zgjidhej kryeprokurore e qarkut të San Franciskos.Më 2011, Harris u bë amerikania e parë me ngjyrë, gruaja e parë dhe amerikania e parë me prejardhje induse që do të zgjidhej prokurore e përgjithshme e Kalifornisë.

Gjatë asaj kohe, Harris do të takohej dhe do ta bënte mik djalin e madh të Bidenit, Beau, i cili gjithashtu kishte shërbyer si prokuror i përgjithshëm i Delawaret.Karriera e Harrisit si prokurore – dhe pastaj si zyrtarja më e lartë për zbatimin e ligjit në Kaliforni u vu në dyshim gjatë fushatës së saj për zgjedhjet presidenciale të vitit 2020, me aktivistët progresivë dhe avokatët e zbatimit të ligjit që vinin në dyshim shumë vendime të saj si prokurore, përfshirë qëndrimin e saj kundër dënimit me vdekje.Më 2014, Harris do të martohej me Doug Emhoffin, një ish-partner menaxhues në një studio të së drejtës.

Çifti nuk ishin njohur më parë dhe Harris më vonë është tallur në kujtimet e saj se stafi i ishte referuar “asaj epoke si AD – ‘After Doug’”.Emhoff u bë zotëria i dytë i parë i Shteteve të Bashkuara të Amerikës.Kapërcimi prej prokurores në politikaneMë 2015, Harris lansoi fushatën e saj për Senatin amerikan, duke synuar ta zëvendësonte senatoren e kahershme të Kalifornisë, Barbara Boxer.Edhe ish-presidenti Barack Obama, edhe zëvendëspresidenti i atëhershëm Biden mbështetën fushatën e saj dhe ajo do të shkruante në kujtimet e saja se ajo natë zgjedhjesh më 2016 ishte “sureale” për shumë arsye – jo veç pse fitoi ajo.“U zgjodha senatore amerikane – gruaja e parë me ngjyrë nga shteti im, dhe e dyta në histori që e fitonte atë mandat”, shkruante ajo.

Por derisa po bëhej e qartë se Donald Trumpi do të bëhej presidenti i 45-të i Shteteve të Bashkuara të Amerikës, Harris tha se hoqi dorë prej fjalimit që e kishte shkruar fillimisht me supozimin se vendi do të zgjidhte presidenten e parë grua, dhe në vend të kësaj “që t’i përkushtoheshin unifikimit të vendit tonë”.Gjatë kohës së saj në Senatin amerikan, Harris shërbeu në Komitetin e Senatit për Drejtësi, si dhe si pjesë e Komitetit për Inteligjencën para se ta lansonte fushatën për Shtëpinë e Bardhë më 2019.

Gjatë një debati të madh presidencial atë vit, Harris nuk u pajtua me qeverisjen e zëvendëspresidentit të atëherhsëm, Joe Biden, përfshirë qëndrimin e tij të mëparshëm për desgregacionit dhe ndarjen në autobusë shkollash.Bideni do t’i deklaronte më vonë CNN-it: “Isha i përgatitur se do të merreshin me mua…. por nuk isha i përgatitur për personin që më doli përpara siç e bëri (Harris). Ajo e njihte Beaun, më njihte mua”.

Vendimi i pastajshëm i Bidenit për ta zgjedhur Harrisin si bashkëgaruese ishte i papritur për disa njerëz, por ai do ta përshkruante si “vendimi më i mirë që kam marrë ndonjëherë”.Më 20 janar 2021, Harris u betua si gruaja e parë, si gruaja e parë me ngjyrë dhe si gruaja e parë jugaziatike zëvendëspresidente e Shteteve të Bashkuara. Në rolin e saj si kryetare Senati, sipas Shtëpisë së Bardhë, Harrisi ka vënë një rekord të ri për votimin përcaktues të një zëvendëspresidenti.

/kalxo