Zvicër: I dehur shkakton 2 aksidente për 24 orë..!
Një 59-vjeçar nga Friburgu, i cili kishte pirë shumë, shkaktoi dy aksidente brenda 24 orëve: burrit të ndaluar nga policia kantonale e Friburgut fillimisht iu hoq patenta dhe më pas vetura. Këtë e ka bërë të ditur sot policia përmes një komunikate, transmeton albinfo.ch.
Shoferi la shenjën e tij të shtunën në Fribourg në kohën e drekës, kur, duke vozitur nëpër tunelin e urës Poya, goditi pa vëmendje automjetin që kishte përpara. Ai u ndalua nga policia dhe u konstatua se kishte alkool në gjak mbi 0.4 mg/l. Oficerët i hoqën patentën.
Të nesërmen, pothuajse në të njëjtën kohë, një patrullë vuri re një makinë në një aksident në rrugën nga Granges-Paccot në Fribourg.
Pas hetimeve fillestare, rezultoi se ishte i njëjti drejtues mjeti, i cili kishte sërish nivel alkooli në gjak mbi 0.4 mg/l. Këtë herë policia ka sekuestruar makinën. Burri do të duhet të përgjigjet për sjelljen e tij para gjykatës.
/albinfo
