Aksident i frikshëm tragjik në Gjermani, 17-vjeçari vdes në vend..

Ai nuk duhej të ishte fare në timon. Një adoleshent (17) vdiq të dielën herët në mëngjes në një aksident tragjik me makinë në Saarland.
Sipas policisë thirrja e urgjencës është marrë nga qendra e kontrollit rreth orës 04:45. Shërbimet e urgjencës shkuan menjëherë në vendin e aksidentit në një rrugë fshati pranë Losheim am See (Saarland), por nuk mundën ta shpëtonin 17-vjeçarin. Ai ishte tashmë i vdekur kur ndihmësit mbërritën në vendngjarje, raporton Portali Mërgata.

Sipas gjetjeve fillestare të Policisë, 17-vjeçari ka drejtuar një makinë në orët e para të mëngjesit në rrugën lidhëse L 373 me rrugën “Zum Stausee” në drejtim të Losheim. Më pas i riu ka humbur kontrollin e makinës.

Makina përshkoi rrugën në një kthesë të gjatë në të djathtë. “Ai nuk ia doli ta kthente automjetin nën kontroll, për këtë arsye më në fund doli nga rruga dhe u përplas me një pemë”, tha një zëdhënës i policisë. Nga aksidenti me pemën, i riu ka mbetur i plagosur për vdekje.

Nuk ka të dhëna se në aksident janë përfshirë edhe vetura të tjera, thuhet. Adoleshenti drejtonte mjetin pa leje drejtimi. Policia nuk ka bërë të ditur se kujt e kishte makinën me të cilën u aksidentua adoleshenti.

/PortaliMërgata/