Afaristi Kërçovar nga Zvicra Kastriot Iseini ftohet në Konsullatën e Republikës së Kosovës në Cyrih
Vigan Berisha priti në takim Kastriot Iseinin në Konsullatën e Republikës së Kosovës në Cyrih dhe vlerësoi lart veprimin e tij për ndarjen e bursave për të tretin vit radhazi.
Në profilin e Konsullatës, z.Berisha shkruan:
*”Kontributi i z. Kastriot Iseini është një shembull i shkëlqyer i atdhetarisë dhe përkushtimit ndaj brezave të rinj. Mbështetja e tij për 25 të rinj të dalluar këtë vit dëshmon përkushtimin e tij për edukimin dhe zhvillimin profesional të tyre.”*
Kastriot Iseini ka krijuar një traditë të qëndrueshme mbështetjeje për nxënësit dhe studentët e talentuar shqiptarë, duke përçuar mesazhin se sukseset e diasporës mund të shërbejnë për zhvillimin e brezave të ardhshëm.
Ky akt i Iseinit është një model frymëzimi për të gjithë shqiptarët në diasporë, duke treguar se si dashuria për vendin dhe ndihma për të tjerët mund të realizohen edhe larg atdheut.
/tvgurra
