Haradinaj: Kurti është amater politik !
Ish-kryeministri i Kosovës, Ramush Haradinaj, e ka cilësuar si “amater politik” kryeministrin Albin Kurti, duke thënë se po tenton ta fshehë turpin e bërë gjatë qeverisjes dhe gjatë udhëheqjes së dialogut.
Haradinaj ka deklaruar për EO se sjellja e Kurtit ndaj ndërkombëtarëve është joserioze, duke theksuar se Asociacioni i komunave me shumicë serbe meriton të trajtohet seriozisht.
“…Pak a shumë kjo nuk është serioze sjellja e tij, si ajo shprehja ‘as asi as ksi’. Nuk është ashtu, për fat të keq vetë qeveria e kryeministri e kanë pranuar. Është e vërtetë që ky draft nuk është i mirë, pra drafti që kemi sot propozim nga BE-ja nuk është i mirë.
Ai meriton trajtim serioz nga Gjykata Kushtetuese. Jemi në zgjedhje dhe do që ta fshehin marren edhe ato që i kanë bërë, gabimet që i kanë bërë që e kanë udhëhequr dialogun. I kanë lutur për shumë kohë Amerika pikërisht Konjufcën, Kurtin e këtë që të japin një propozim nuk e kanë dhënë”, ka deklaruar Haradinaj.
/infoshqip
