Të mirat shëndetësore të avokados, një mrekulli për bukurinë dhe dietën..!?

Vjen nga Amerika Qendrore, në zonën që ndodhet mes Guatemalës dhe Meksikës, avokado ky frut tropikal mund të arrijë peshën maksimale të tij 1 kg.

Frut, perime dhe yndyrë, një shije treshe për avokadon, i vetmi ushqim në botë që klasifikohet si frut, dhe në realitet përdoret si perime, i pasur me vlera ushqyese, është mjaft i mirë edhe për bukurinë.

I mirë për lëkurën
Avokado është e pasur me betakaroten dhe glutation, dhe është mbrojtës ndaj rrezeve të diellit. Gjithashtu përmban vitamina A dhe E, dy antioksidantë të fuqishëm që ndihmojnë lëkurën të jetë elastike dhe ngadalësojnë plakjen e qelizave, duke luftuar edhe efektin e radikaleve të lira.

I mirë për dietën
Çdo avokado përmban shumë kalium, madje më shumë se banania, por është i pasur edhe me acid yndyror linoleik dhe Omega 3, në gjendje të stimulojë prodhimin e kolesterolit të mirë, dhe pengojnë depozitimin e kolesterolit të keq. Pra, përdorimi i rregullt i tij ndihmon në rënien në peshë dhe kjo falë fibrave ushqyese që shtojnë ndjesinë e ngopjes.

I mirë për shëndetin
Studime të ndryshme tregojnë se një sasi e mirë kaliumi është në gjendje të reduktojë tensionin e gjakut. Vitamina A në avokado është e rëndësishme për shikimin, vitaminat B (B1 dhe B2) janë thelbësore për rritjen dhe mirëqenien. Në këtë frut nuk mungojnë as vitaminat, D, E, K, H, PP. Prandaj konsumi i saj është i mirë për fëmijët dhe për ata që ndjekin një dietë vegjetariane.

/balkanweb