Zvicerani plagos kosovarin, akuzohet për tentativë vrasjeje !

Siç njofton Prokuroria Publike dhe Policia Kantonale e Ticinos, më 21 tetor 2024, pak pas orës 20:30, para një shtëpie në zonën e Lamones ka pasur një zënkë në mes të një shtetasi kosovar 36 vjeçar me banim në rajon dhe një 28-vjeçari zviceran, i cili jeton në zonën e Bellinzonës.

Sipas një rikonstruksioni fillestar dhe për arsye që pritet t`i sqarohen nga hetimet, 36-vjeçari ka pësuar lëndime pas disa goditjeve që kanë sjellë atë në gjendjen për transportuar në spital.

Kanë ndërhyrë zyrtarët e policisë kantonale dhe, në mbështetje të policisë nga Vedeggio edhe punëtorët e shpëtimit nga Croce Verde i Luganos, shkruan polizei.news.ch. Me të mbërritur patrulla, 28-vjeçari ishte larguar tashmë nga vendi i ngjarjes.

Më pas ai u dorëzua në mënyrë spontane pranë organeve hetimore dhe u arrestua, përcjell albinfo.ch. Akuzat ndaj tij janë vrasje e mbetur në tentativë, sulm i rëndë në tentativë, sulm i thjeshtë, kanosje dhe mosbindje ndaj urdhrit zyrtar.

Hetimet po koordinohen nga prokurori publik. Informacione të mëtejshme nuk janë publikuar për momentin.

/albinfo