Bego Dent sponzor tek Shoqata Kulturore Humanitare “Uskana München”

Me kënaqësi dhe ndjenjë të lartë përgjegjësie ju njoftojmë se sponsori ynë më i ri nga mëmëdheu BEGO DENT me pronar Ylber Beli Ballazhi dhe Staffin e tij ka vendosur të anëtarësohet dhe të bashkohet me nismën e vlefshme dhe valën pozitive të Shoqatës jonë. Ky veprim është dëshmi e përkushtimit tonë të përbashkët për të mbështetur dhe fuqizuar nismat humanitare që kanë për qëllim ndihmën dhe përmirësimin e jetës së bashkatdhetarëve tanë në nevojë.

Shoqata “Uskana” ka dëshmuar një përkushtim të veçantë për çështjet humanitare dhe për këtë arsye, sponsori ynë ka zgjedhur të jetë pjesë e këtij vizioni të përbashkët, duke kontribuar me mjete dhe mbështetje për të siguruar një të ardhme më të mirë për të gjithë ata që kanë nevojë për ndihmë.

Në emër të sponsorit të ri BEGO DENT dhe të gjithë mbështetësve tanë, ju urojmë suksese të mëtejshme në realizimin e misionit jonë fisnik dhe ju sigurojmë për mbështetjen e vazhdueshme në çdo nismë që ka për qëllim të mirën e përbashkët.
Njoftojnë nga Shoqata Kulturore Humanitare “Uskana München” në facebook.

/ms