Ministri Fatmir Limani për takim pune në Gjenevë

Takim rajonal për monitorimin e progresit të Deklaratës së Pekinit dhe Platformës për Veprim për Barazinë Gjinore (Pekin +30).
Të nderuar
Qeveria e Republikës së Maqedonisë së Veriut do të vazhdojë të avokojë për përforcimin e pozitës së gruas, si bazë e nevojshme për prosperitet dhe qëndrueshmëri, sepse gra të forta nënkupton një shoqëri e fuqishme.

Kjo është arsyeja pse zotimi ynë për zbatimin e Deklaratës së Pekinit për Barazinë Gjinore do të synojë arritjen e synimeve specifike strategjike të mëposhtme:
•Do të vazhdojë procesi i miratimit të zgjidhjeve të reja ligjore në përputhje me direktivat e BE-së, -dokumentet strategjike, -programet dhe masat për promovimin e barazisë gjinore dhe fuqizimin e grave, veçanërisht në fushat e mbrojtjes nga diskriminimi, dhunës ndaj grave dhe dhunës në bazë gjinore,

– fuqizimit ekonomik dhe buxhetimi i përgjegjshëm gjinor,
– kujdesi shëndetësor dhe qasja në shëndetin seksual dhe riprodhues,
– me vëmendje të veçantë për grupet e margjinalizuara dhe të cenuara të grave.
• Do të përmirsohet procesi gjithëpërfshirës/pjesëmarrës në përgatitjen e politikave, me konsultimin e grupeve të synuara/grupeve të interesuara (për shembull, gratë nga zonat rurale, gratë rome, gratë me aftësi të kufizuara dhe grupet e tjera të margjinalizuara)

• Do të vazhdojë përmirësimi i prodhimit dhe shpërndarjes së statistikave gjinore përmes ndërtimit të kapaciteteve të ESHT-së dhe aktorëve të tjerë në sistemin statistikor.
• Do të bëhen përpjekje për të rritur mbështetjen financiare dhe partneritetin me organizatat e shoqërisë civile që punojnë për barazinë gjinore dhe fuqizimin e grave për të mundësuar zbatimin e aktiviteteve në nivel të komuniteteve lokale.
• Do të vazhdojnë përpjekjet për të reduktuar hendekun gjinor në ekonomi dhe për të përmirësuar pozitën e grave në tregun e punës.

• Do të forcohen reformat në procesin arsimor për zbatimin e programeve të ndjeshme gjinore që punojnë për zhdukjen e stereotipeve gjinore, parandalimin e dhunës dhe edukimit seksual në drejtim të avancimit të shëndetit riprodhues.
• Do të punohet në vazhdimësi në fushata edukative dhe informuese për rritjen e ndërgjegjësimit për trajtimin e stereotipeve gjinore dhe praktikave diskriminuese.

– Së fundi, dinamika demografike në vend dhe rajon njihet fuqishëm nga Qeveria dhe është pjesë e dokumenteve kyçe strategjike. Duke pasur parasysh se gjysma e popullsisë në vendin tonë dhe në botë janë gra, fuqizimi dhe pjesëmarrja e tyre në zhvillimin e shtetit është një nga zgjidhjet kyçe për ndërtimin e një shoqërie rezistente demografike.

Vetëm barazia gjinore e bën një shoqëri më vitale dhe më të begatë dhe ne duhet të punojmë së bashku për të përforcuar pozitën e grave kudo në botë.
Gruaja në qendër të vëmendjes tonë që të sigurojmë të ardhme më te ndritshme për gjeneratat e ardhme!
Ju falenderoj për vëmendjen! Shkruan ministri Fatmir Limani në facebook

/ms