una për kanalizimin në Zajaz u la në gjysmë, kanalet mbetën të hapura! (VIDEO)

Pas ndërprerjes së punimeve të rrjetit të kanalizimit në Zajaz, është krijuar huti tek banorët. Dy muaj u punua, ndërsa më pas punimet u ndërprenë dhe kanalet mbetën të hapura. Rrugët kanë mbetur të prishura, ndërsa gjendja është e tillë edhe nëpër disa oborre të shtëpive.

Kjo situatë ka krijuar revolt te qytetarët, të cilët kërkojnë zgjidhje nga komuna.
“Më lejoni që t’iu drejtohem banorëve të fshatrave të Zajazit, Greshnicës dhe ato vendbanime që përfshihen, të kenë edhe pak durim sepse jam në përpjekje maksimale si kryetar i tyre si Fatmir dhe si institucion komunë që të arrijmë të vazhdojnë punimet. Kësaj here nuk do të merrem me fjalorin, por në një moment të caktuar para qytetarëve do të paraqitem duke ju dhënë arsyetim”, tha Fatmir Dehari -kryetar i komunës së Kërçovës.

Dehari premton se do t’iu dalë zot banorëve të asaj ane dhe nuk do t’i lë që dimrin ta kalojnë në baltë dhe gropa.
“Nëse nuk arrijmë të vazhdojmë, atëherë na mbetet neve si institucion komunë, që të mos e lëmë situatën ashtu siç është në terren, por të marrim hapat konkret.

Nga java që lamë pas dhe këtyre ditëve jemi në bisedime me organet e Komunës dhe NP Komunale, po ndërtojmë strategjinë për të dal nga ajo situatë dhe për t’iu dal zot banorëve të cilët janë duke përjetuar momente jo të mira”, deklaroi Fatmir Dehari -kryetar i komunës së Kërçovës.

Rrjeti i kanalizimit që nis nga Zajazi dhe përfundon në Drugovë të Kërçovës është financuar me mjete të BE-së, por kompania nga Azerbajxhani që fitoi tenderin është përballur me vështirësi për sigurimin e një granti nga një bankë azerbajxhanase, e cila tashmë ka falimentuar. Si pasojë, kompania ndërtuese ka ndërprerë punimet. TV21 prej dy muajsh po pret një përgjigje nga Ministria e Financave, e cila është përgjegjëse si punëdhënëse, por deri më tani nuk kemi marrë asnjë përgjigje.

VIDEO:

/tv21