S’do të ketë orë shtesë të tarifës së lirë ditore deri në fund të vitit !

Kryetari i Komisionit Rregullator Energjetikë (KRRE), Marko Bislimoski sot konfirmoi se deri në fund të vitit nuk do të vendoset tarifë e lirë shtesë ditore e energjisë elektrike, transmeton TV21. Bislimovski tha se nuk dëshirojnë t’i shkaktojnë probleme financiare shtesë Elektranave të Maqedonisë së Veriut.

“Ne si KRRE nuk do të heqim dorë nga vendosja shtesë e tarifës së lirë, do t’i ndjekim zhvillimet, por me vendosjen, siç thash edhe më herët, nuk duam të shkaktojmë probleme financiare shtesë, para se të gjithash në EMV.

Për shkak se ajo tarifë e lirë në ato periudha do të rritet shpenzimi dhe do të duhet të kompensohet dhe në 10 ditët e fundit kemi mbajtur disa mbledhje me EMV-në dhe EVN Home, nga ana e tyre nuk ka vërejtje, edhe ata janë që kur të krijohen mundësitë, të zbatohet një orë shtesë e tarifës së lirë dhe bashkërisht erdhëm në përfundim se do ta ndjekim situatën.

Duke pasur parasysh se kemi indice për rritje të rritjes së çmimit të energjisë elektrike duke filluar nga periudha që vijon, posaçërisht aty nga janari”, deklaroi Bislimovski.

/tv21