Ananasi, fruti mbretëror! Ja pse duhet shum ta konsumoni ?

Nga kulturat evropiane tek efektet shëndetësore, zbulimet e matematikës dhe simbolet moderne të feminizmit, gjithçka që duhet të dini për frutin mbretëror
Në formën e një pishe gjigante me një kurorë voluminoze gjethesh, ananasi tërheq menjëherë vëmendjen, nga pamja e jashtme, por ama në brendësi ka një zemër të shijshme.

Ananasi është përdorur në të gjithë globin nga ritualet fetare, deri te dekorimet dhe konsiderohet një simbol tropikal i mikpritjes dhe mirëseardhjes, por edhe pasurisë të paarritshme dhe argëtimin, ndaj koktejli pina colada e identifikon më së miri.

Popujt e Botës së Re e njohën ananasin si një frut që simbolizon miqësinë dhe mikpritjen, madje familjet vendosnin një ananas jashtë shtëpive për të parfumosur hyrjen dhe për ta bërë atë mikpritëse për mysafirët.

I lakmuar prej shekujsh nga mbretërit për pamjen madhështore dhe tulin e pastër, ky frut u bë një obsesion botëror në fillim të shekullit të 16-të. Shtëpitë mbretërore të Evropës paguanin me flori që një frut i vetëm të ekspozohej. Matematikanët zbuluan se lëkura me gjemba e ananasit është një sekuencë natyrale e Fibonacit, një seri numrash në të cilat çdo numër i njëpasnjëshëm gjendet duke mbledhur dy numrat e mëparshëm. Ky fakt duket se vetëm rrit joshjen e vërtetë të frutit.

Disa fise në Meksikë e përdornin këtë frut në ceremonitë e tyre duke lavdëruar Zotin, Vitzliputzli, një zot i luftës. Spanjollët, kishin një këndvështrim tjetër për ananasit. Ai u bë simbol i luksit, fisnikërisë dhe pasurisë. Në Evropë, fruti mund të sillte pasuri dhe në shoqëritë evropiane ishte një simbol i statusit, ishte shumë i shtrenjtë, ndaj edhe në momentin e ndarjes së viteve vendosej në tryezë duke uruar fatsjellje dhe para.

Popujt e Amazonës këtë frut e adhuronin sepse konsiderohej simbol i fuqishëm i pjellorisë dhe prosperitetit, shpesh u jepej në dorë çifteve të reja gjatë ceremonive martesore, me qëllim që të lindnin shumë fëmijë.

Detarët që ktheheshin të sigurt nga udhëtimet e tyre oqeanike vendosnin një ananas para shtëpive të tyre për të ftuar miqtë dhe fqinjët, duke treguar që ishin gjallë. Ndërsa përdorimi i shpeshtë i këtij fruti në botën e modës e ktheu atë në simbol të feminizmit: Dizajnerja e famshme e modës Stella McCartney e përdori ananasin si një ikonë feministe duke dizenjuar rroba me ananasin, për të fuqizuar figurën e femrës. Për kinezët, ananasi është një simbol i fatit dhe pasurisë, ndaj në disa besime thumbat e ananasit shihen si sy që shohin përpara dhe i sjellin fat.

Por edhe arti i krishterë u ndikua nga magjia e këtij fruti, aq sa në vitet 1500, ai ishte një simbol i jetës së përjetshme. Në shekullin e 17-të, arkitekti anglez Christopher Wren, nisi ta përdorte si element dekorativ në kisha.

Ananasi përmban enzimen Bromelain e cila ndihmon në tretjen e ushqimit, nëse hani ananas me stomakun bosh, bromelaina bëhet një anti-inflamator dhe hollues i gjakut. Ananasi është simbol i burrërisë. Në kohën e Aztekëve, perënditë e merrnin si shenjë fuqie, madje sot është provuar se ngrënia e këtij fruti i bën meshkujt të jenë më virilë për shkak të manganit, dhe vitaminës C që përmban.

/bordo.al