Zvicer: Operacion i madh në çerdhen e fëmijëve ku u plagosën tre prej tyre!

Një burrë thuhet se ka sulmuar tre fëmijë në Cyrih. Policia është në vendngjarje me një operacion të gjerë. Nuk ka më rrezik të mëtejshëm për banorët.

Të martën pasdite është zhvilluar një operacion i madh në Cyrih Oerlikon pranë sheshit Berninaplatz, transmeton albinfo.ch.

Një burrë mësohet se ka sulmuar disa fëmijë dhe për pasojë, tre fëmijë janë plagosur. Pranë zonës është një qendër ditore epër fëmijët parashkollorë (çerdhe).

Sipas policisë zvicerane, një i dyshuar është arrestuar, shkruan 20minuten.ch. Policia njoftoi se nuk ka më asnjë rrezik për popullatën.

Në vend, një dron fluturonte mbi zonën e rrethuar – Policët në zonën e rrethuar janë të armatosur me automatikë. Në vend ndodhen ekspertët nga Instituti i Mjekësisë Ligjore.
Për të afërmit është krijuar një linjë telefonike në numrin 044 411 71 17.

/albinfo