Austri: Shtetasi kosovar rrëzohet nga skela e pasiguruar dhe lëndohet rëndë !

Të hënën ka ndodhur një aksident në punë gjatë rinovimit të një fasade shtëpie në ëolfsberg. Një punëtor kosovar është ngjitur në një skelë të pasiguruar, e cila është shembur bashkë me të

Një shtetas kosovar 36-vjeçar po pastronte pjesën e poshtme të një çatie në Wolfsberg të hënën rreth orës 10:15 në kuadër të rinovimit të një fasade shtëpie, transmeton portali Shtegu.

Pa udhëzime specifike nga përgjegjësi i tij, ai u ngjit në një skelë që ende nuk ishte siguruar apo mbështetur.

Skelat nisën të lëkunden dhe ranë bashkë me punëtorin. Burri ka pësuar lëndime të rënda dhe është dërguar me ambulancë në Wolfsberg LKH pas marrjes së ndihmës së shpejtë mjekësore.

/shtegu