Si mendoni? Celulari juaj a mund të tërheqë rrufenë !
Nëse jeni të shqetësuar nëse telefoni juaj inteligjent mund të tërheqë rrufenë, përgjigjja është jo. Pavarësisht se ka komponentë metalikë, rreziku për t’u goditur nga rrufeja gjatë bisedës ose përdorimit të telefonit nuk është më i madh sesa të mbani çelësa ose para metalike në dorë. Dhe sa e rrezikshme është të mbash objekte metalike në dorë?
“Telefonat, sendet e vogla metalike, bizhuteritë etj., nuk tërheqin rrufetë. Njerëzit goditen nga rrufeja sepse janë në vendin e gabuar në kohën e gabuar. Vendi i gabuar është kudo jashtë, dhe koha e gabuar është një stuhi afër”, tha John Jeseniu, një ekspert në Shërbimin Kombëtar të Motit të SHBA.
Miti se telefonat tërheqin rrufenë e ka origjinën shumë vite më parë, dhe ndërkohë ka arritur të përhapet pa asnjë bazë për pretendimet.
Profesioni mjekësor është i vetëdijshëm për ekzistencën e dezinformatave të ndryshme që qarkullojnë mbi këtë temë, dhe Dr. Mary Ann Cooper nga Universiteti i Çikagos e trajtoi pikërisht këtë çështje në punën e saj për lëndimet nga rrufeja: “Literatura mjekësore dhe praktika mjekësore janë të bollshme me shembuj të miteve që lindin nga informacioni i keqlexuar, i cituar ose i keqinterpretuar, i cili më pas përhapet pa hetime të mëtejshme.”
Sipas Dr. Cooper, “megjithëse shumë raporte për lëndime nga rrufeja përfshijnë njerëz që përdorin telefonat celularë, këto raporte janë për shkak të përhapjes së këtyre pajisjeve, si dhe mosvëmendjes së përdoruesve të tyre ndaj kushteve të motit dhe nuk kanë të bëjnë me vetë telefonat. .
/albinfo
