Kamioni godet për vdekje një vajzë pesëvjeçare në Zvicër

Një aksident i rëndë ka ndodhur në Oberrieden ZH të hënën ku një kamion është përplasur me një vajzë. Policia konfirmon një fëmijë të vdekur

Aksident tragjik në Oberrieden ZH: Siç raporton një dëshmitar, të hënën ka ndodhur një përplasje mes një kamioni dhe një fëmije në komunën Oberrieden të Cyrihut. Me kërkesë të gazetës „Blick“, Policia Kantonale e Cyrihut konfirmoi se në aksident ka pasur një person të vdekur.

Pak para orës 12:00, një 40-vjeçar po drejtonte një kamion në Alte Landstrasse drejt Thalwil. Për arsye ende të paqarta ka ndodhur një përplasje me një vajzë pesëvjeçare në zonën e kalimit të këmbësorëve në numrin 26.

“Fëmija ka mbetur i plagosur rëndë nga aksidenti. Punonjësit e shpëtimit që u dërguan menjëherë mundën vetëm të përcaktojnë se vajza ishte e vdekur”, thotë për BRK News Ralph Hirt, zëdhënës i mediave për Policinë Kantonale të Cyrihut. Në vendngjarje ka pasur shumë persona që kanë ndihmuar gjatë aksidentit.

„Njerëzit e prekur tani po përjetojnë minuta shumë mizore“, thotë Hirt. Të afërmit dhe të përfshirët kujdesen nga ekipe të ndryshme të kujdesit dhe pastorë të urgjencës, transmeton portali Shtegu. „Ekipet janë në detyrë për të ofruar mbështetje për njerëzit“.

Policia kantonale e Cyrihut dhe prokuroria publike Albis-Limmatal aktualisht po hetojnë aksidentin. Policia është në kërkim të dëshmitarëve.

/shtegu