Kërçovari nga Belgjika po bën hapin e tij të parë në arenën politike

Kerim Redzepi, me origjinë nga Kërçova në Maqedoninë e Veriut, po bën hapin e tij të parë në arenën politike lokale të Belgjikës. I lindur, rritur dhe shkolluar në Belgjikë, Kerimi ka jetuar gjithmonë në komunën e Saint-Josse-ten-Noode, një vend që e njeh në detaje dhe ku është angazhuar për më shumë se 16 vjet për përmirësimin e kushteve të jetesës.

Në zgjedhjet komunale që do të mbahen më 13 tetor 2024, Kerimi do të garojë për një vend në këshillin komunal të Saint-Josse, duke zënë pozitën e 19-të në Listën e Kryetarit (LB). Angazhimi i tij i gjatë dhe përkushtimi për komunitetin kanë ndërtuar një bazë të fortë mbështetjeje, dhe ai është i vendosur të vazhdojë këtë rrugëtim me përkushtim të madh.

E veçanta e kandidaturës së Kerimit është lidhja e tij e ngushtë me komunitetin shqiptar të Belgjikës. Ai është një shembull frymëzimi për të gjithë shqiptarët që jetojnë këtu, duke dëshmuar se integrimi i suksesshëm dhe pjesëmarrja aktive në jetën publike janë të mundshme. Për shqiptarët e Saint-Josse dhe përtej, kandidatura e tij është një mundësi për të parë një nga të vetët të përfaqësojë interesat e tyre në nivel lokal.

Kerim Redzepi fton komunitetin shqiptar dhe të gjithë qytetarët e Saint-Josse-t që t’i japin mbështetjen e tyre në këtë përpjekje të rëndësishme. Ai thekson se është gjithmonë i gatshëm të dëgjojë dhe të ndihmojë në zgjidhjen e çështjeve që prekin qytetarët. Vota për numrin 19 në këto zgjedhje është një votë për vazhdimësinë e përkushtimit dhe përmirësimit në Saint-Josse.

/ms